Reseı Palestına táýelsizdigin qoldaıdy

Reseı Palestınanyń BUU-ǵa bergen ótinishi konsensýs jo­lymen sheshilgenin qalar edi jáne osy mem­lekettiń táýelsizdigin taný úshin daýys berýge nıetti. Reseı syrtqy ister mınstri Sergeı Lavrov osylaı dep málimdegen. 23 qyrkúıekte Palestına ulttyq ákimshiliginiń basshysy Mahmýd Abbas BUU-nyń Bas Assambleıasynyń kezekti sessııasynda uıymǵa múshelikke ótý týraly ótinish bildiredi dep kútilýde. Izraıl tarapy bolsa, Palestına avto­nomııasynyń bul qadamyn múlde negizsiz jáne qol jetkizilgen ýaǵdalastyqtarǵa qaıshy keledi dep baǵalap otyr.   Rım papasy Germanııaǵa keldi Keshe Rım Papasy Benedıkt HVI al­ǵashqy memlekettik saparmen óziniń ota­ny Germanııaǵa keldi. Pontıfıkti Berlın áýejaıynda Germanııa kansleri Angela Merkel, fede­raldyq prezıdent Krıstıan Výlf jáne basqa da resmı adamdar qarsy aldy. Nemis qarýly kúshteriniń arnaıy batalony Benedıkt HVI-nyń qurmetine 21 dúrkin artıl­lerııalyq salıýt berdi. Osy kúni tústen keıin Rım Papasy Býndestagta sóz sóıleıdi dep kútilýde.   О́lim jazasy kúshine endi AQSh-ta 1991 jyly polısııa qyzmetkerin óltirdi dep aıyp taǵylǵan Troıa Devısti ólim jazasyna kesý týraly úkim aqyry kúshine endi. Ajal qushtyratyn dári jiberý prosedýrasy bastalardan sál buryn advokattar raqymshylyq jasaý jóninde ótinish bildirgen bolatyn. Biraq joǵarǵy sot ony qabyldamaı tastady. Aıta ketý kerek, Devıs ólim jazasyn 20 jyl boıyna kútti. Ol kinásin dáleldeıtin aıqyn aıǵaqtardyń joqtyǵyna qaramas­tan, ólim jazasyna kesilgen bolatyn. Osy oraıda bir ǵana Djordjııa shtatynda 100-den astam adamnyń ólim jazasyn kútip otyrǵanyn aıta ketý qajet.   Eýropalyq sotqa shaǵymdanbaq Fransýzdyń Mo qalasynyń soty qoǵamdyq orynda musyl­man bas kıimin kıdi dep aıppul salǵan eki musylman áıel Adam quqyqtary jónindegi eýropalyq sotqa shaǵym­danbaq nıette. Musylman áıelderiniń dástúrli bas kıim kııýine tyıym salýdy joıý týraly másele kóterip júrgen Fransııa turǵyny Kenza Drıderdiń el prezıdenti bolý úshin saılaý­ǵa túspek nıeti bar ekenin málimdegenin de aıta ketý kerek. Onyń aıtýynsha, nıkab pen hıdjab kııý áıeldi «qapasqa qamaý» emes, kerisinshe, oǵan erkindik beredi. Áıel óz erkindigin saqtaǵysy kelse, árqashan batyl bolýy kerek dep atap kórsetken ol.   О́z muǵalimin atqan bala Brazılııada 10 jasar mektep oqýshysy óz muǵalimin atyp tastaýǵa talpynys jasap, sońynan ózine qol jumsaǵan. Bala polıseı bolyp isteıtin ákesiniń tapanshasynan muǵalimge qarata eki ret oq atqan kórinedi. Jergilikti mýnısıpalıtet basshysynyń málimetteri boıynsha, bala 25 oqýshy bar synypqa kirip kelip, 9 mıllımetrlik kalıbrli revolverden oq atyp, muǵalimdi jaralaǵan. Odan soń dálizge júgirip shyqqan ol óziniń basyna oq atqan kórinedi.   Odaqtastan aıyrylý múmkindigin eskertti Pákstannyń vedomstvoaralyq barlaý qyzmetiniń 13 qyrkúıekte Kabýldegi AQSh elshiligi men NATO-nyń shtab pá­te­rine shabýyl jasaǵan sodyrlarmen esh­qandaı baılanysy joq. Pákstannyń syrtqy ister mınıstri Hına Rabbanı Har eldiń telearnasy arqyly osylaı dep málimdeme jasaǵan. Sondaı-aq, ol eger pákstandyq kúsh qurylymdary atyna jala jabýdy toqtatpasa AQSh ekstre­mıstermen kúreste óz odaqtasyn joǵaltady dep atap kórset­ken. Pákstandy jáne Pákstan halqyn senderden  teris aına­lýǵa májbúr etpeńder. Eger olaı jasasańdar, ol tek senderdiń ǵana kinálaryń bolady, dep úndeý tastaǵan mınıstr Amerıka basshylyǵyna.   Gúl ımportyna tyıym saldy Rýmynııa úkimeti Nıderlandydan gúl ımporttaýǵa tyıym saldy. Mundaı sheshim ótken beısenbi kúni Amsterdamnyń Rýmy­nııa men Bolgarııany Shengen aımaǵyna qabyldaýǵa tosqaýyl qoıýyna baılanysty qabyldanyp otyr. Rýmynnyń «Medıafaks» agenttiginiń habarlaýynsha, eldiń federaldyq keden qyzmeti qujattar durys resimdelmegen degen jeleýmen shekarada ondaǵan júk kólikterin ustaǵan. Júktiń bir bóligi keıin qaıtarylyp, endi bir bóligi tárkilengen kórinedi. Amsterdam Rýmynııanyń áreketin shataq shyǵarý dep baǵalap otyr.   Oppozısıoner Zambııa prezıdenti boldy Oppozısııalyq Patrıottyq maıdan­dy basqaratyn «kobra» degen laqap aty bar 74 jasar Maıkl Sata Zambııa prezıdenti bolyp saılandy. Sata 43 paıyz daýys jınaǵan, al onyń qarsylasy qazirgi memleket basshysy Rýpııa Banda 36 paıyz ǵana daýysqa ıe bolǵan kórinedi. Osylaısha Zambııa oppozısııanyń memlekettik tóńkeris nemese azamat soǵysy arqyly emes, parlamenttik jolmen bılikke kele alatynyn dáleldegen Afrıkadaǵy az ǵana memlekettiń birine aınalyp otyr. Sata bilimi múlde joq derlik saıasatker bolǵanymen, ol óz qyzmetin tuńǵysh prezıdent Kennet Kaýndemen birge bastaǵanyn maqtanysh etedi. Internet materıaldary negizinde ázirlendi.