Qarjy monıtorıngi agenttigi Túrkistan oblysy boıynsha departamenti azamattardyń ómiri men densaýlyǵyna qaýip tóndiretin temeki ónimderin zańsyz daıyndap, taratýmen aınalysqan toptyń qyzmetin toqtatty, dep jazady Egemen.kz.
Jedel-izdestirý is-sharalary barysynda Keles jáne Ordabasy aýdandary aýmaǵynda ornalasqan 3 jasyryn sehtyń jumysy áshkerelenip, toqtatyldy.
Zańsyz óndiris jalpy aýdany 500 sharshy metrden asatyn nysandarda uıymdastyrylyp, kún saıyn shamamen 20 adam jumysqa tartylǵan.
Astanada jıhaz shyǵaratyn seh órtendi
Tyıym salynǵan ónimder elimizdiń barlyq óńirine júıeli túrde taratylyp otyrǵan.
«Zańsyz aınalymnan 1 mln-nan astam daıyn ónim, 30 tonna temeki, 2 mln qaptama paketi, túrli hosh ıistendirgishter men ýly hımııalyq qospalar, sondaı-aq óndiristik arnaıy jabdyqtar tárkilendi. Tárkilengen shıkizat kólemi shamamen 60 mln dana temeki ónimin óndirýge jetkilikti bolǵan», delingen agenttik taratqan habarlamada.
Úsh qaladan zańsyz mal soıý sehtary tabylǵan
Sot sanksııasymen zańsyz qyzmetten túsken qarajatqa satyp alynǵan kúdiktilerge tıesili eki avtokólikti paıdalanýǵa tyıym salynǵan.