Otandyq óndirýshiler Qazaq sý sharýashylyǵy ǵylymı-zertteý ınstıtýty (QazSShǴZI) ázirlegen sý únemdeý qurylǵylaryn kommersııalandyrýdy josparlap otyr, dep habarlaıdy Egemen.kz.
«Ǵylymı negizdelgen sý únemdeıtin sýarý tehnologııalaryn uıymdastyrý jáne engizý» jobasy sheńberinde QazSShǴZI ázirlegen, paıdalaný tıimdiligi jaqsartylǵan jańbyrlatyp sýarý mashınalaryn naryqqa shyǵarý josparlanyp otyr.
Aýyl sharýashylyǵyna sý únemdeý tehnologııalary engiziledi
Sý resýrstary jáne ırrıgasııa mınıstrliginiń málimetinshe, jobanyń negizgi mindetterine jańbyrlatqysh saptamalar men jańbyrlatyp sýarý mashınalaryn óndirý, shyǵarylatyn ónimdi sertıfıkattaý, sondaı-aq jańbyrlatyp sýarý mashınalaryn Qazaqstan naryǵynda satý jáne keıin eksportqa shyǵarý kiredi.
«Jobany iske asyrý ımporttyq komponentterdi QazSShǴZI ázirlegen otandyq ónimdermen almastyrýǵa múmkindik beredi. Bul jańbyrlatyp sýarý mashınalarynyń ózindik qunyn tómendetip, otandyq tehnıkanyń básekege qabilettiligin arttyrady», dedi QazSShǴZI bas dırektory Serik Saırov.
Sý únemdeý tehnologııalaryn damytýǵa 214 mlrd teńge bólinedi