«Dostyq» ordenimen marapattaldy

Qazaqstan Respýblıkasynyń Prezıdenti N.Á.Nazarbaevtyń Jarlyǵymen Orys pravoslavıe shirkeýiniń kóshbasshysy «memlekettik jáne qoǵamdyq qyzmetke, eldiń áleýmettik-ekonomıkalyq jáne mádenı damýyna qosqan úlesi, halyqtar arasyndaǵy dostyq pen yntymaqtastyqty nyǵaıtýǵa sińirgen eńbegi úshin» joǵary nagradaǵa ıe boldy. I.Tasmaǵambetov Qazaqstan Respýblıkasy men el Prezıdenti Nursultan Nazarbaevtyń atynan nagrada tapsyrý úlken mártebe ekenin aıtty. «Bul – sizdiń beıbitshilik pen kelisimdi, eki eldiń halyqtary arasyndaǵy dostyq qarym-qatynastardy nyǵaıtýdaǵy tynymsyz ári ólsheýsiz eńbegińizge degen aıryqsha qurmet, – dep atap ótti qazaqstandyq dıplomat. – Qazaqstanda ıslammen qatar, pravoslavıe dini de qoǵamdyq ómirde erekshe orny bar jetekshi konfessııalardyń biri. Bizdiń elimizde Orys pravoslavıe shirkeýi óte mańyzdy qyzmet atqarady». О́z kezeginde Patrıarh Kırıll kórsetilgen joǵary marapat úshin Qazaqstan Prezıdenti Nursultan Nazarbaevqa alǵysyn jetkizip, barsha Qazaqstan halqyna beıbit ómir men ósip-órkendeý tiledi. «Dostyq» ordeni – Qazaqstan Respýblıkasynyń joǵary nagradalarynyń biri. Bul orden­men qoǵamdaǵy ultaralyq jáne aza­mattyq tatýlyqty saqtaý­da jemisti jumys atqarǵan, ha­lyq­tar arasyndaǵy beıbitshilikti, dostyq pen yntymaqtastyqty nyǵaıtýǵa eńbek sińirgen azamattar marapattalady. Orden ıegerleriniń arasynda BUU Bas hatshysy Pan Gı Mýn, UQShU Bas hatshysy Nıkolaı Bordıýja, Máskeý jáne Búkil Reseı Patrıarhy Aleksıı II, AQSh Prezıdenti (1989-1993) Djordj Býsh (úlkeni), AQSh-tyń 67-shi Memlekettik hat­shysy Hılları Klınton, Uly­brıtanııanyń Premer-mınıstri (1979-1990) Margaret Tet­cher, kardınal-epıs­kop, Kar­dınaldar alqasynyń dekany (2001) Andjelo Sodano, Saýd Arabııasynyń koroli – Ab­dýlla ıbn Ábdel Ázız as-Saýd, Hor­vatııa Prezıdenti (2000- 2010) Stepan Mesıch, Rýmynııa Pre­zıdenti Ion Ilıeský, Tatarstan Respýblıkasynyń tuńǵysh Prezıdenti Mıntımer Shaımıev, t.b. bar.