Máselen, «Ǵylym kıesi: ǵylymı ıntegrasııa jáne ortaq qundylyqtar» taqyryby boıynsha ótken paneldi otyrys aıasynda mańyzdy máseleler talqy tarazysyna salyndy. Professor, fılologııa ǵylymdarynyń doktory, Túrki álemi aqsaqaldar keńesiniń múshesi Ádil Ahmetov moderatorlyq etken bul jıynda Túrkitildes memleketter Parlamenttik Assambleıasynyń (TúrkPA) Bas hatshysy Jandos Asanov «Ǵylymı yqpaldastyq jáne ortaq máseleler: túrki tilderin zertteý problemalary» degen taqyrypta baıandama jasady.
О́z sózinde Jandos Asanov: «Bolashaqqa baǵdar: rýhanı jańǵyrý» atty maqalasynda Qazaqstan Prezıdenti qazaq tiliniń keleshektegi damýyna qatysty qundy oıyn aıtty. Sondaı-aq, qazaq tiline túrki áleminen kóptegen qundy, qajetti eńbekterdi, qujattardy aýdarý qajettigine aıryqsha mán berdi. Qazaq tili túrki tilderiniń quramyna kiredi. Qazaqstan Prezıdentiniń bastamasymen qurylǵan Túrkitildes memleketter Parlamenttik Assambleıasy osy elderdiń mádenı, rýhanı jáne gýmanıtarlyq baılanysynyń damýyn jandandyrýdy basshylyqqa alyp keledi. TúrkPA-nyń nazarynda turǵan taǵy bir mańyzdy másele – túrki tilderin salystyrmaly túrde zerttep, zerdeleý. Árıne, túrki tildes elderdiń tarıhı tamyry bir, sondyqtan, olardyń tilderi de, ádebıetteri de, mádenıeteri de ortaq ári uqsas. Sondyqtan, túrki tilderin, onyń ishinde leksıkany, fonetıkany, stılıstıkany salystyrmaly túrde zertteýdiń mańyzy zor. Bul – bizdiń tilderimizdiń negizgi ózegin, sıpatyn, tabıǵatyn túsinýge múmkindik beredi. Sol arqyly biz ózimizdiń tarıhı salt-dástúrlerimizdi de zerdeleı alamyz», – dedi.
Láıla EDILQYZY,
«Egemen Qazaqstan»