О́zgerister «Bolashaq» halyqaralyq stıpendııasyn taǵaıyndaý úshin úmitkerlerdi irikteý qaǵıdalaryn bekitý jáne «Bolashaq» halyqaralyq stıpendııasyn jumsaý baǵyttaryn aıqyndaý týraly» Qazaqstan Respýblıkasy Úkimetiniń 2008 jylǵy 11 maýsymdaǵy № 573 qaýlysyna ózgerister men tolyqtyrýlar engizý týraly» Qazaqstan Respýblıkasy Úkimetiniń 2017 jylǵy 19 mamyrdaǵy № 279 qaýlysymen engizildi. Qaýly buqaralyq aqparat quraldarynda jarııalandy jáne 2017 jylǵy 23 mamyrdan bastap qoldanysqa engizildi.
Osy ózgerister, eń aldymen, «Bolashaq» stıpendııasyn taǵaıyndaý úshin úmitkerlerdi konkýrstyq irikteý rásimine, sondaı-aq konkýrsqa qatysý úshin kiris ólshemsharttarǵa qatysty.
Akademııalyq baǵdarlamalar úshin (magıstratýra, doktorantýra, rezıdentýra) úmitkerlerdiń barlyq sanattaryna irikteýdiń jańa qaǵıdalaryna sáıkes bakalavr nemese maman dıplomynyń ortasha balyna qoıylatyn talaptar 3.0-den 3.3 (4.0/4.33-ten) GPA deńgeıine deıin ózgertildi. Odan basqa, «magıstratýra» baǵdarlamasy boıynsha úmitkerlerdiń barlyq úlestik sanattary úshin aǵylshyn tilin meńgerý deńgeıiniń ólshemsharttary IELTS júıesi boıynsha 5.0 baldan 5.5 balǵa deıin kóterildi. Sonymen, «ınjenerlik-tehnıkalyq mamandyq» sanaty boıynsha úmitkerlerge qoıylatyn talaptar burynǵy deńgeıde – IELTS 5.0 qalady. Sonymen birge, IELTS 6.5 jáne odan joǵary sertıfıkaty bar, sondaı-aq GPA 3.3 jáne odan joǵary dıplomy bar tulǵalarǵa konkýrsqa qatysý úshin «jalpy konkýrs» jańa sanaty engizildi. Úmitkerlerdiń osy sanaty úshin jumys ótili men jumys berýshi ótiniminiń bolýyna talap qoıylmaıdy.
Osy sanat magıstr dárejesin alý úshin stıpendıattardyń basqa sanattarymen qatar, oqý eliniń bilim berý jáne áleýmettik-mádenı ortasyna beıimdelý maqsatynda 2 aıǵa deıingi merzimde oqý aldyndaǵy daıarlyqtan (pre-master's) ótý múmkindigin beredi.
Stıpendıattardy oqytý úshin Joǵary oqý oryndary tizimi jalpy kórsetkishter boıynsha álemdegi 70 úzdik joǵary oqý ornynan, sondaı-aq mamandyqtar boıynsha álemdegi 20 úzdik joǵary oqý ornynan Times Higher Education, Academic Ranking of World Universities jáne QS World Universities Rankings sııaqty halyqaralyq tanymal reıtıngtik agenttikterdiń málimetterine sáıkes qalyptastyrylǵanyn da atap ótý kerek.
Odan basqa, stıpendııa taǵaıyndaý úshin úmitkerlerdi konkýrstyq irikteý rásimine ózgerister engizildi. 2017 jyldan bastap konkýrs 6 (alty) kezeńnen turatyn bolady.
Birinshi kezeńde táýelsiz sarapshylar úmitkerlerdi ýájdemelik jáne usynym hattar boıynsha ázirlengen ólshemsharttarǵa sáıkes irikteýdi júrgizedi. Ýájdemelik hat erikti nysanda jazylatyn jáne tańdalǵan oqý eli men mamandyqqa qatysty dálelderdi keltirýmen jeke kózqarastar men pikirler sıpattamasyn qamtıtyn shyǵarma bolyp tabylady. (Tolyǵyraq: https://www.bolashak.gov.kz/ru/pretendentu/rekomendatsii/rekomendatsii-po-podgotovke-dokumentov.html).
Ekinshi kezeńde úmitkerdiń shet tilin meńgergen deńgeıi anyqtalady.
Úshinshi kezeńde úmitkerdiń memlekettik tildi meńgergen deńgeıi anyqtalady.
Tórtinshi kezeńde úmitkerdi psıhologııalyq dıagnostıkadan ótkizýdi, Qazaqstan Respýblıkasynyń Konstıtýsııasy men tarıhyn bilýin testileýdi qamtıtyn keshendi testileý ótkiziledi.
Besinshi kezeń Táýelsiz sarapatamalyq komıssııamen (budan ári – TSK) jeke áńgimelesý nysanynda ótedi, onda úmitkerdiń kásibı daıarlyǵynyń deńgeıi, sondaı-aq mamandaný boıynsha Qazaqstan Respýblıkasynyń strategııalyq jáne baǵdarlamalyq qujattaryn bilýi baǵalanady. Osydan keıin qorytyndy materıaldar QR Memlekettik hatshysy tóraǵalyq etetin Shetelde kadrlar daıarlaý jónindegi Respýblıkalyq komıssııanyń qaraýyna jiberiledi.
Sonymen qatar, baǵdarlama sheńberinde taǵylymdamadan ótý tásildemeleri de ózgertildi.
2017 jylda sheteldik uıymdarda taǵylymdamadan ótý úshin kelesi sanattar belgilendi: «ǵylymı qyzmetkerler» jáne «Astana» halyqaralyq qarjylyq ortalyǵy qyzmetkerleri». Sóıtip, taǵylymdamalar baǵdarlamasy álemdegi jetekshi zerthanalar negizinde ǵylymı zertteýler men tájirıbelerdi ótkizý úshin ǵylymı uıymdar, joǵary oqý oryndary nemese olardyń ǵylymı bólimsheleriniń qyzmetkerlerine baǵyttalǵan.
Odan basqa, baǵdarlama túlekteriniń mindetti eńbekpen óteýi boıynsha bıylǵy jyldan bastap jumyspen óteýdiń Astana men Almaty qalalarynda 5 jyldyń ornyna, óńirde 3 jyldyq balamaly merzimimen «ortalyq-óńir» úlgisi boıynsha saralanǵan tetigi engiziledi. Osy tetik túlekterdiń barlyq sanattaryna taralady.
Sońǵysy, osy jyly qujattardy «Úkimet – azamattar úshin» memlekettik korporasııasy (HQKO) men «Qazaqstan Respýblıkasynyń elektrondyq úkimeti» portaly (www.egov.kz) arqyly elektrondy qabyldaýǵa tolyǵymen aýysý qamtamasyz etiledi.
Konkýrsqa qatysý úshin qujattardy tapsyrý tártibimen Ortalyqtyń resmı saıtyndaǵy myna siltemeler boıynsha tanysýǵa bolady: https://www.bolashak.gov.kz/projects/info/index3.html nemese https://www.bolashak.gov.kz/projects/info/index2.html
Konkýrstyq rásimder 2017 jyldyń mamyr aıynan jeltoqsan aıyna deıin úzdiksiz rejimde ótetinin atap ótý kerek. Qujattardy qabyldaý 2017 jylǵy 29 mamyrdan 15 qyrkúıekke deıin ótedi. Stıpendııa taǵaıyndaý konkýrsy 2017 jylǵy 5 maýsymnan 20 jeltoqsanǵa deıin júzege asyrylady.