«Jańa ǵana Ulybrıtanııa astanasyndaǵy London kópirinde shaǵyn avtobýs jyldamdyqpen kelip adamdardy soqqany jóninde aqparat shyqty.
Londondaǵy barlyq Qazaqstan azamattaryna, qaýipsizdik sharalaryn saqtap jáne jaqyndary men týystaryna óziniń júrgen jerin habarlaýdy suraımyz. Aıaq asty kómek qajet bolǵan jaǵdaıda Ulybrıtanııadaǵy Qazaqstan elshiliginiń konsýldyq bólimine +44(0)7447470570 (WhatsApp) telefon nómiri boıynsha jedel habarlasýyna keńes beremiz», - dep jazdy Ánýar Jaınaqov. Qazirgi ýaqytta dıplomattar zardap shegýshiler arasynda Qazaqstan azamattary bar-joqtyǵyn anyqtap jatyr. Reseılik TASS agenttiginiń habarlaýynsha, oqys oqıǵa London kópirinde bolǵan. Sky News telearnasy zardap shekkenderdiń bar ekendigi jaıynda habarlady. Týıtterde oqıǵaǵa kýá bolǵandardyń jazýynsha, kópirde kólik jaıaý júrginshilerdi kelip soqqan. Basqa aqparatqa júginsek, sol jerde 20-ǵa jýyq adam zardap shekken. Jaıaýlarǵa qasaqana shabýyldy úsh adam iske asyrǵan.