Otyrysqa komıssııa músheleri – respýblıkalyq buqaralyq aqparat quraldarynyń, shyǵarmashylyq birlestikterdiń, jýrnalısterdiń qoǵamdyq uıymdarynyń jáne múddeli memlekettik organdardyń ókilderi qatysty, dep habarlaıdy Aqorda.
Basqosýda Memlekettik hatshy Qazaqstannyń memlekettiligin nyǵaıtýdaǵy buqaralyq aqparat quraldarynyń mańyzdy rólin atap ótti.
- Bıylǵy kezdesýimiz qoǵam ómiriniń barlyq salasyn jańǵyrtýǵa baǵyttalǵan ınstıtýsıonaldyq reformalardyń tereńdeı túsken jaýapty kezeńinde ótip otyr. Memleket basshysy belgilegen Qazaqstannyń ozyq damyǵan 30 eldiń qataryna qosylý jónindegi strategııalyq mindetter otandyq BAQ-qa degen zor suranys týdyryp, erekshe ról atqarýdy talap etedi.
Memlekettik hatshy, sondaı-aq, aqparattyq qoldaý memlekettik saıasatty jáne el ishindegi reformalar baǵytyn tıimdi iske asyrýdyń mańyzdy talaptarynyń biri bolyp tabylatynyna toqtaldy.
Qoǵamdyq komıssııanyń otyrysynda jýrnalıstik materıaldar deńgeıiniń joǵary ekeni, sondaı-aq Qazaqstan damýynyń mańyzdy qoǵamdyq-saıası jáne áleýmettik-ekonomıkalyq aspektilerin jarııa etýdegi medıa qoǵamdastyǵy ókilderiniń úlesi atap ótildi.
Talqylaý qorytyndysy boıynsha Qoǵamdyq komıssııa ashyq daýys berý arqyly, BAQ salasyndaǵy prezıdenttik syılyqtardy tapsyrý erejesine sáıkes, BAQ ókilderine eki syılyq jáne eki grant bólý, tórt shyǵarmashylyq ujymǵa Prezıdent Alǵysyn jarııalaý jóninde Memleket basshysyna usynym jasaýǵa biraýyzdan qaýly etti.