Jıyndy oblystyq ardagerler keńesi tóraǵasynyń orynbasary Ádııa Ahmetova ashyp, qan maıdanda erlikpen qaza bolǵan jerlesterimiz – Ábýtálip Ysqaqov pen Vasılıı Petrovtyń ómirbaıanymen tanystyrdy.
Ábýtálip Ysqaqov 1942 jyly maıdanǵa Shal aqyn aýdanynan attanyp, Shyǵys Prýssııany jaýdan azat etýge qatysqan. Al Vasılıı Petrovtyń urpaqtary búginde Qyzyljar óńirinde turady. Esil erler eren erlikteri úshin soǵys jyldary «Qyzyl Juldyz» ordenimen nagradtalsa da, ártúrli sebeptermen ıelerin tappaǵan. Marapattyń qujatyn olardyń urpaqtaryna Reseı Federasııasynyń Qazaqstan Respýblıkasyndaǵy elshisiniń keńesshisi Elena Lysenko saltanatty túrde tapsyrdy.
«Asqar taý ákemnen alty jasymda aıryldym. Otan úshin ot keship, qaza bolǵan erligine basymdy ıemin. Úıimde ákemniń eńbek kitapshasy men maıdan dalasynan jazylǵan úsh haty saqtaýly. Muraǵatymdy endi «Qyzyl Juldyz» ordeniniń kýáligi tolyqtyryp otyr. Erlik eshqashan eskirmeıdi degen osy bolar», dedi maıdangerdiń qyzy Zınaıda Ageeva kózine jas alyp.
Jaýynger Ábýtálip Ysqaqovtyń Kókshetaýdan kelgen nemere inisi Sabyr Seńkibaev osyndaı ıgi sharany uıymdastyrýǵa uıytqy bolǵan azamattarǵa alǵysyn bildirdi.
Soǵys ardageri Stepan Bashkırov, qalalyq qorǵanys isteri jónindegi basqarma basshysynyń orynbasary Qaırat Ysqaqovtyń batyr babalarymyzdyń erlikteri, soǵystyń zardaptary, búgingi tynysh zamannyń qadiri jaıly áńgimeledi.
О́mir Esqalı, «Egemen Qazaqstan»