«Qazaqstandaǵy 100 jańa esim» jobasy – bizdiń keń-baıtaq elimizdiń barlyq túkpirlerindegi naqtyly adamdar ómiriniń kórinisi. Prezıdent N.Nazarbaev óziniń «Bolashaqqa baǵdar: rýhanı jańǵyrý» atty baǵdarlamalyq maqalasynda bizdiń otandastarymyzdyń tarıhyna jurtshylyq nazaryn aýdarýdy jáne olarmen árkim de tanysa alatyndaı jańa mýltımedıalyq alań qurýdy usyndy. Jobanyń basty maqsaty – qajyrly eńbeginiń, bilimi men talantynyń arqasynda tabysqa jetken adamdardyń shynaıy tarıhyn taýyp kórsetý. Joba birneshe satyda júzege asatyn bolady. Birinshisi – ótinishter jınaý. Ol kraýdsorsıng negizinde júredi jáne oǵan kez kelgen tilek bildirýshi qatysa alady. Eger Siz, ómir joldary men tabystary Sizdi rýhtandyratyn adamdardy bilseńiz nemese Sizdiń ózińiz sondaı bolyp tabylsańyz, onda Sizdiń óz tarıhyńyzben bólisýge múmkindigińiz bar», dedi D.Abaev. Basty krıterıı – táýelsiz Qazaqstannyń damýyna naqty úles qosý. Ol úshin 100 esim.el.kz saıtyna kirip, ótinish formasyn toltyrý qajet. Joba saıtynda barlyq tarıh qoljetimdi bolmaq jáne árbir tilek bildirýshi kórgenderine qatysty áserimen bólisip, ol týraly áleýmettik jelide baıandaı alady. Odan ári − jumys toby men sarapshylyq komıssııa túsken usynystar, sarapshylyq baǵalaýlar negizinde, sondaı-aq, qoǵamdyq pikirdi eskere otyryp, «100 jańa esim» jobasyna qatysatyn keıipkerlerdi tańdap alady. Jobany «Kazkontent» AQ El.kz ınternet-jobasynyń bazasynda uıymdastyrǵan, ol − 100 esim.el.kz mekenjaıy boıynsha ornalasqan.
«Qazaqstandaǵy 100 jańa esim» jobasy sheńberinde ótinishter qabyldaýdyń bastalǵany týraly habarlandy. Bul týraly Aqparat jáne kommýnıkasııalar mınıstri, «100 jańa esim» jumys tobynyń teń tóraǵasy Dáýren Abaev málimdedi.