Joǵarǵy Sot Tóraǵasy Qaırat Mámı joǵary sot organynyń sýdıalar korpýsy men apparatyna Joǵarǵy Sot janyndaǵy Sottardyń qyzmetin qamtamasyz etý departamentiniń jańa basshysyn tanystyrdy. Bul qyzmetke buǵan deıin Ońtústik Qazaqstan oblystyq sotynyń tóraǵasy qyzmetin atqarǵan Sháripov Nurserik Kárimuly taǵaıyndaldy. Onyń kandıdatýrasy Joǵary Sot Keńesiniń otyrysynda maquldandy, sondaı-aq, Prezıdent Ákimshiligimen kelisildi. Departamenttiń burynǵy basshysy A.Toqsaba basqa jumysqa aýysty.
Departamenttiń jańa basshysyn tanystyra kele, Q.Mámı: «Nurserik Kárimuly Ult Jospary sheńberinde júrgizilgen sot júıesiniń barlyq sońǵy reformalarynyń óńirdegi tikeleı oryndaýshysy boldy. Onyń kóp jylǵy sýdıalyq ótili jáne sottar jumysyn uıymdastyrý boıynsha tájirıbesi bar. Osyny eskere otyryp, ony tutas sot ákimshiligi júıesiniń basshysy laýazymyna taǵaıyndaý týraly sheshim qabyldandy», - dedi.
Q.Mámı Abaı Toqsabanyń atqarǵan jumysyna alǵysyn bildirip, onyń respýblıka sýdıalarynyń VII sezin uıymdastyrý men ótkizýge qosqan úlesin atap ótti jáne aldaǵy jańa qyzmetine tabys tiledi. Joǵarǵy Sot Tóraǵasy A.Toqsabaǵa III dárejeli «Minsiz qyzmeti úshin» vedomstvolyq medalin tabystady.
Sonymen qatar, Q.Mámı Joǵarǵy Sot janyndaǵy Sot tóreligi akademııasynyń jańa rektory, zań ǵylymdarynyń doktory, professor Qaýdyrov Tólesh Erdenulyn tanystyrdy.
«Tólesh Erdenulynyń ǵylymı-akademııalyq salada uzaq jylǵy tájirıbesi bar, birqatar joǵary oqý oryndarynda basshylyq laýazymdarda jumys istegen, Joǵarǵy Sot janyndaǵy Halyqaralyq Keńestiń múshesi bolyp tabylady. Osy laýazymǵa taǵaıyndalǵanǵa deıin Qazaq gýmanıtarlyq-zań ýnıversıteti ınstıtýtynyń dırektory bolyp qyzmet atqardy», - dedi Joǵarǵy Sot Tóraǵasy.
Teorııa men sot praktıkasyn ózara baılanystyrý maqsatynda Sot tóreligi akademııasynyń vıse-rektory laýazymyna sýdıa, zań ǵylymdarynyń doktory Razzaq Názılıa Razzaqbaıqyzy taǵaıyndaldy. Osy ýaqytqa deıin N. Razzaq Astana qalasynyń mamandandyrylǵan aýdanaralyq kámelettik jasqa tolmaǵandar isteri jónindegi sottyń tóraǵasy bolyp qyzmet atqardy.
Q.Mámı Sot tóreligi akademııasy Ult Josparynyń 18-qadamyn iske asyrý maqsatynda qurylǵanyn, onyń negizgi mindeti jańa formasııadaǵy sýdıalardy daıarlaý jáne sot júıesin odan ári damytý boıynsha ǵylymı-zertteý jumysyn júrgizý bolyp tabylatyndyǵyn atap ótti. Dál osy sebepten Akademııa basshylyǵy aýystyryldy. Taıaý ýaqytta joǵaryda atalǵan barlyq mindetter boıynsha júıeli jumys júrgizilýi tıis.
Sot tóreligi akademııasynyń burynǵy basshylyǵy atqaryp otyrǵan laýazymdarynan óz erikterimen bosatyldy.
Joǵarǵy Sot Tóraǵasy jańadan taǵaıyndalǵandardyń barlyǵyn quttyqtaı kele, olarǵa aldaǵy qyzmetteriniń tabysty ári jemisti bolýyn tilep, jaqyn arada olardyń atqarýy tıis basym mindetterin aıqyndap berdi.
Sháripov Nurserik Kárimuly 1965 jyly dúnıege kelgen.
S.M.Kırov atyndaǵy Qazaq memlekettik ýnıversıtetin «zańtaný» mamandyǵy boıynsha támamdaǵan.
Joǵary oqý ornyn bitirgennen keıin QazMÝ-diń ákimshilik quqyq kafedrasynyń assıstenti, Qazaqstan Respýblıkasy Prezıdenti Apparatynyń azamattyq jáne raqymshylyq jasaý bóliminiń referenti bolyp jumys istedi.
1995-2007 jyldary Almaty qalasynyń Frýnze aýdany halyq sotynyń sýdıasy boldy.
2007-2010 jyldary Almaty qalasy mamandandyrylǵan aýdanaralyq ákimshilik sotynyń tóraǵasy jáne Mańǵystaý oblysy mamandandyrylǵan aýdanaralyq ekonomıkalyq sotynyń tóraǵasy qyzmetterin atqardy.
2010-2012 jyldary Mańǵystaý oblystyq sotynyń sot alqasynyń tóraǵasy laýazymynda jumys istedi.
2012 jyldan bastap qazirgi kúnge deıin Ońtústik Qazaqstan oblystyq sotynyń tóraǵasy boldy.
Qaýdyrov Tólesh Erdenuly 1955 jyly dúnıege kelgen.
S.M.Kırov atyndaǵy Qazaq memlekettik ýnıversıtetin «zańtaný» mamandyǵy boıynsha támamdaǵan. Zań ǵylymdarynyń doktory, professor.
1977-1990 jyldary – QazMÝ-diń assıstenti, aǵa oqytýshysy, dosenti, zań fakýlteti dekanynyń orynbasary.
1990-1992 jyldary – Qazaqstan Respýblıkasy Prezıdenti Ákimshiliginiń qyzmetkeri.
1992-2002 jyldary – Qazaqstan Respýblıkasy Mınıstrler Kabıneti janyndaǵy Ulttyq patenttik vedomstvonyń tóraǵasy qyzmetin atqardy.
2003-2007 jyldary «Ádilet» joǵary quqyq mektebiniń azamattyq quqyq jáne azamattyq prosestiń jeke-quqyqtyq pánder kafedrasyn basqardy, sondaı-aq, «Ádilet» joǵary quqyq mektebi zań akademııasynyń ǵylymı jumys jónindegi prorektory qyzmetin atqardy.
2007-2008 jyldary – Kaspıı qoǵamdyq ýnıversıtetiniń «Ádilet» zań akademııasynyń dırektory.
2002-2017 jyldary – Qazaq gýmanıtarlyq-zań ýnıversıtetiniń Azamattyq-quqyqtyq zertteýler ınstıtýtynyń dırektory, L.N. Gýmılev atyndaǵy Eýrazııa ulttyq ýnıversıtetiniń halyqaralyq yntymaqtastyq qyzmetiniń basshysy.
2016 jyldan bastap Qazaqstan Respýblıkasy Joǵarǵy Sotynyń janyndaǵy Halyqaralyq Keńestiń múshesi.
Razzaq Názılıa 1976 jyly dúnıege kelgen.
Ál-Farabı atyndaǵy Qazaq memlekettik ulttyq ýnıversıtetin, T.Rysqulov atyndaǵy Qazaq ekonomıkalyq ýnıversıtetin, Atyraý ınjenerlik-gýmanıtarlyq ınstıtýtyn bitirgen. Zańger, ekonomıst, «munaı-gaz isi» mamandyǵy boıynsha bakalvr. Zań ǵylymdarynyń doktory.
1993-1996 jyldary – Qurmanǵazy atyndaǵy Qazaq memlekettik akademııalyq orkestriniń zań keńesshisi.
1996-1999 jyldary – Jambyl oblystyq sotynyń alqa hatshysy.
1999-2000 jyldary – «Alan» JShS-niń zań keńesshisi.
2000-2003 jyldary – «Aqparattyq júıeler ortalyǵy» KMK zańgeri.
2003-2011 jyldary – Atyraý qalasy №2 sotynyń sýdıasy jáne Atyraý oblysynyń mamandandyrylǵan aýdanaralyq ekonomıkalyq sotynyń sýdıasy.
2011-2014 jyldary – QR Joǵarǵy Sotynyń janyndaǵy Sottardyń qyzmetin qamtamasyz etý departamentiniń bas konsýltanty, Bólim meńgerýshisiniń orynbasary, meńgerýshisi.
2014 jyldan bastap qazirgi kúnge deıin Astana qalasy mamandandyrylǵan aýdanaralyq kámelettik jasqa tolmaǵandar isteri jónindegi sotynyń tóraǵasy qyzmetin atqardy.