Jasyldandyrý jumysynda Malaızııa «kóbelek effektisin» qoldanady. Bul týraly eldiń EXPO-2017 kórmesindegi pavılonynyń komıssary Zaını Ýdjang málimdedi.
– Kishkentaı qadamnyń ózi úlken adymnyń basy bolýy múmkin. Jasyldandyrý jumysynda biz osyǵan ıek artamyz. Sol sebepti, bizdiń pavılonymyzdaǵy sharalardyń kópshiligi kóbelekpen baılanysty. Kóp kóbelek bolady, ásirese, Malaızııa aýmaǵynda ómir súretin ulttyq kóbelekterimiz kóp bolady. Biz barshany «jasyl» bolashaqty birge qalyptastyrýǵa shaqyramyz, – dedi Zaını Ýdjang.
Onyń aıtýynsha, Malaızııa kún panelderin kóp shyǵaratyn elderdiń biri sanalady. 2030 jylǵa qaraı elde tutynylatyn qýattyń 21 paıyzyn jańǵyrmaly kózderden alý josparlanyp otyr.
Arnur ASQAR, «Egemen Qazaqstan»