Kongreske «IDFashhion» halyqaralyq telearnasynyń bas prodıýseri Vasılıı Klımchýk, «Atameken» UKP Isker áıelder keńesiniń tóraıymy Lazzat Ramazanova, Qazaqstan Respýblıkasy Prezıdentiniń janyndaǵy Otbasy jáne áıelder isteri jónindegi ulttyq komıssııasy Tóraǵasynyń orynbasary Lazzat Súleımen, memlekettik organdar men bıznes-qoǵamdastyq ókilderi qatysty.
«Qazaqstan bıznes-ıdeıalar jeruıǵy» atty kongress «Atameken» UKP Sezi aıasynda Qazaqstan Respýblıkasy Prezıdentiniń janyndaǵy Otbasy jáne áıelder isteri jónindegi ulttyq komıssııasy qoldaýymen ótkizildi. Kongress maqsaty – isker áıelderdiń ekonomıka salasyndaǵy múmkindikterin keńeıtý boıynsha suraqtardy talqylaýǵa, áıelderdiń eńbek naryǵyndaǵy básekeligin arttyrýǵa baǵyttalǵan.
Qazaqstan Isker áıelderdiń III Kongresinde «Atameken» UKP Isker áıelder keńesiniń tóraıymy Lazzat Ramazanova otandyq bıznestegi isker hanymdardyń róline toqtalyp, JIО́-de áıelder bıznesiniń 40% úlesi bar ekenin erekshe atap ótti.
«Árbir óńirde isker áıelder keńesi jumys isteıdi. Búgnigi kongreske qatysyp otyrǵan isker áıelder, ásirese elemizdiń ár aımaǵynan kelgen qyz kelinshekter er adamdarmen birdeı jumys atqaryp, bıznestegi óz oryndaryn aıqyndaı bildi. Oblystaǵy isker áıelder ortalyq pen shalǵaı aımaqtardyń arasyn baılanystyrýshy. Isker áıelderdiń basyn qosa otyryp, 16 óńirde isker áıelder keńesi jumys istep otyr. Osy qyz-kelinshekterdiń qataryna qosylamyn degen yntaly jandardy qýana shaqyramyn», – dep Lazzat Ramazanova.
Kongerste alǵashqy sóılegen spıker Alma Aralbaeva bıznes qurýdyń erekshelikterin aıtyp, isker naryqtaǵy ómirshendik qaǵıdattaryn tizdi.
«Basqarýshylyq – bul óner. Ýaqytty basqarý – bolashaqty basqarý degenimiz bıznessti baqsarý, aqparatqa ıe bolý. Basqa adamdardyń ýaqytyn baǵalaý, komandaǵa durys adamdardy tańdaı bilý, otbasy men jumys arasynda teńgerimdi ustaı bilý óte mańyzdy. Qoǵamda áıel isker bolsa, mańsap qýsa, otbasyn qura almaıdy nemese basqa isti qurban etý kerek degen pikir bar. Bul pikrimen kelsipeýge bolady. Isker áıel tamasha alyp júre alady eki jaqty da, men ózim bes balany tárbıelep otyrmyn», – dedi Alma Arhabaeva.
Spıkerdiń aıtýynsha iskerlikte negizgi qaǵıda bar. Birinshisi – ýaqyt. Ýaqytty durys jumsaý arqyly bıznesti durys qurý mańyzdy. Ekinshisi – qarjy. Aqshasyz ekonomıkany qalyptastyrý, jeke bıznesti qurý múmkin emes. Úshinshisi – ómir energııasy. Densaýlyq, psıhologııalyq jaǵdaıdy umytpaý jón. Tórtinshisi – teńgerim dep atap ótti. Bıznestiń tórt asyly osy.
Búginde áıelderdiń otandyq bıznes ortadaǵy belsendiligi shamamen 50% qurap, elimizdiń JIО́ qalyptasýyna 40% úles qosyp otyr. Qazaqstandaǵy áıelder kásipkerliginiń basym bóligi qyzmet kórsetý salasyna baǵyttalǵan, servıstik qyzmet kórsetýdiń 63% áıelderge tıesili, aýyl sharýashylyǵyndaǵy kásiptiń 53%-yn názik jandylar basqarady.
Elimizdiń shaǵyn jáne orta kásipkerlikti 697 355 (42%) áıel basqarady. Kásipkerlik salasyna qarjylaı emes qoldaý kórsetý boıynsha «Atameken» Ulttyq kásipkerler palatasy kásipker áıelderge 17 666 servıstik qyzmet kórsetse, 45 501 aqparattyq qoldaý bildirgen.
«IDFashhion» halyqaralyq telearnasynyń bas prodıýseri Vasılıı Klımchýk bıznes qurýdaǵy medıa múmkindikterdi aıtty. Telearnanyń basty mısssııay – qazaqstandyq dızaınerler óz qazanynda ǵana qaınaýdy toqtatady. Biz olarǵa sán áleminiń úlken naryǵyna, feshn keńistigine jol ashamyz. Úlken saýda alańyna, sonymen qatar kıimderdi kóp mólsherde satýǵa múmkindik beretin baılanystarǵa shyǵýǵa kómektesemiz. «IDFashhion» halyqaralyq telearnasy bul jańa múmkindikter, jańa tanystar, jańa deńgeı», – dedi telearna ókili.
UKP Isker áıelderi keńesiniń III Kongresi ekinshi sessııalyq otyrysynda «Atameken» UKP Basshylyǵynyń ókilderi qatysady dep kútilýde. Ekinshi bólimde basqa da spıkerler baıandama jasaıdy.