Qazaqstan Respýblıkasynyń Premer-Mınıstri Baqytjan Saǵyntaev Úkimet úıinde Birikken Ulttar Uıymynyń ónerkásiptik damý jónindegi uıymynyń (IýNIDO) bas dırektory Iýn Lımen kezdesý ótkizdi.
Kezdesý barysynda Qazaqstan Úkimeti men IýNIDO arasyndaǵy arnaıy kelisim aıasynda Memleket basshysy N. Nazarbaevtyń bes ınstıtýsıonaldyq reformalaryn, Qazaqstan ekonomıkasyn jedel tehnologııalyq jańǵyrtýdy, Indýstrıaldy-ınnovasııalyq damý memlekettik baǵdarlamasyn iske asyrýdaǵy yntymaqtastyq máseleleri talqylandy.
Sondaı-aq, Qazaqstannyń ónerkásiptik statıstıka, ónerkásiptik birigý jáne ónerkásiptiń qorshaǵan ortaǵa tıgizetin jaǵymsyz áserin tómendetý sekildi salalarda IýNIDO-nyń óńirlik jobalaryna qatysýyn jalǵastyrý máseleleri qaraldy.
EKSPO-2017 kórmesine erekshe nazar aýdaryldy, taraptar, sonyń ishinde, EKSPO bazasynda Halyqaralyq «jasyl» tehnologııalar ortalyǵy men «Bolashaq energııasy» ınvestısııalyq jobalaryn qurý boıynsha birlesken jumystarǵa daıyndyq barysyn talqylady.