Sharada oblystyq mádenıet basqarmasyna qarasty Ońtústik-sırktiń estradalyq djaz orkestri men ártisteri óner kórsetti. Eki bólimnen turatyn erekshe joba aıasynda sırk mekemesiniń «H BEND» estradalyq djaz orkestriniń súıemeldeýimen otandyq jáne shet eldiń tanymal zamanaýı shyǵarmalary jandy daýysta oryndaldy. Ońtústik-Sırk mekemesiniń estradalyq djaz orkestriniń bas dırıjery, halyqaralyq djaz festıvalderiniń laýreaty - Serik О́tegenov. Kásibı mýzyka mamandarynan quralǵan orkestr ujymynyń konserti kórermen júreginen oryn tapty. EKSPO-2017 kórmesiniń ashylýyna oraı ótkizilgen jandy daýystaǵy sırk orkestriniń keshine qazaq estradasynyń maestrosy, sazger, Qazaqstan Respýblıkasynyń eńbek sińirgen qaıratkeri, dırıjer Nurlan Baıgózov qatysty.
Munan bólek, kórermenge Ońtústik-Sırk ərtisteriniń «RED-ShOÝ» jobasy aıasynda «Bolashaq energııasy» zamanaýı jaryq effektili shoýy da jol tartty. «Bolashaq energııasy» atty EKSPO-nyń nyshany kún qýaty, sý qýaty jáne jer qýaty atty úsh elementten turatyndyqtan sırktiń faer-shoý, jaryq-shoý jáne akrobattary men shoý balet ərtisteri atalǵan kórinisterdi somdady.
Sýretti túsirgen: Ashat Əssandı.