Festıvaldyń bıyl elorda kúni merekesinen sál erterek bastalyp ketý sebebi, birinshiden, álem kóz tikken EKSPO kórmesine merekelik shashý desek, ekinshiden, odan keıin ile-shala KSRO halyq ártisi, Qazaqstannyń Eńbek Eri Asanáli Áshimovtiń 80 jyldyǵyna arnalǵan Birinshi dúnıejúzilik teatrlar festıvaliniń shymyldyǵy túrilgeli tur. Oǵan Reseı, Qytaı, Japonııa elderinen tanymal óner ujymdary qatysady dep josparlanýda. Al dástúrli «Sahnadan sálem!» festıvaline oralsaq, sahna alańynda ártisterdiń bir-birinen ozyq dástúrlerdi úırenip, ózara tájirıbe almasýyna, kásibı birlesken jobalarǵa qatysýǵa múmkindik týǵyzǵan festıvaldyń bıylǵy ereksheligi, sahna sańlaǵy, teatr abyzy Ázirbaıjan Mámbetovtiń mereıtoıyna arnalýynda.
Sarapshylyqqa Germanııadan IýNESKO janyndaǵy teatr synshylary halyqaralyq qaýymdastyǵynyń múshesi, teatr synshysy Nına Mazýr, Grýzııadan memlekettik «Ilıı» ýnıversıteti janyndaǵy Qazirgi zamanǵy grýzın teatry zertteý ortalyǵynyń dırektory, ónertaný doktory Lasha Chhartıshvılı, Moldovadan Mýzyka, teatr jáne beıneleý óneri akademııasynyń kafedra meńgerýshisi, ónertaný doktory, professor Andjelına Roshka at terletip jetse, Qazaqstan tarapynan dramatýrg, ónertaný kandıdaty Erkin Jýasbek, Qazaqstannyń halyq ártisi, rejısser Talǵat Temenov, teatrtanýshy Sánııa Qabdıeva bar.
Bul rette taǵy Jastar teatrynyń «Asaýǵa tusaý» týyndysynan keıingi estafetany «Soǵys» dramasymen jalǵastyratyn Ázerbaıjan memlekettik jas kórermender teatry, 14 maýsymda «Lıýbov ı golýbı» komedııasymen shyǵatyn Orynbor memlekettik M.Gorkıı atyndaǵy oblystyq drama teatry, 16 maýsymda «Ilegılek» psıhologııalyq dramasyn usynatyn Bishkektiń (Qyrǵyzstan) «Týngých» jastar teatry, sondaı-aq «Chelovek v fýtlıare» qoıylymyn ákelgen Sankt-Peterbýrgtegi memlekettik A.Brıansev atyndaǵy jas kórermender teatry elorda festıvaline alǵash ret qatysyp otyrǵanyn aıta ketken jón. Sonymen qatar, otandyq óner ujymdarynan memlekettik akademııalyq M.Gorkıı atyndaǵy orys drama teatry «Máńgúrt. Máńgilik qul» mısterııasyn, Mańǵystaý oblystyq N.Jantórın atyndaǵy mýzykalyq-drama teatry «Shyńyraý» dramasyn, 15 maýsymda festıval baǵdarlamasyna sáıkes S.Muqanov atyndaǵy oblystyq qazaq mýzykalyq-drama teatry «Qasiret...» psıhologııalyq dramasyn jáne Jambyl oblysynyń orys drama teatry «Don Jýan» komedııasyn kópshilik nazaryna usynbaq.
Qarashash TOQSANBAI, «Egemen Qazaqstan»
ASTANA