«Atalǵan baǵdarlama boıynsha 16-29 jas aralyǵyndaǵy jastardyń bes eńbek jasaǵy quryldy, – deıdi oblystyq jastar saıasaty máseleleri basqarmasynyń basshysy Jasulan Bısembıev. – Kógaldandyrý, qurylys, aýylsharýashylyǵy, pedagogıkalyq jáne arheologııalyq jasaqtarǵa qatysý arqyly jastar tájirıbe jınaıdy ári bul qyzmetterine aqy tólenedi».
Bıylǵy jańalyqtyń biri – «Jasyl el» baǵdarlamasyna arheologııalyq jasaqtyń qosylýy bolyp otyr. Basqarma basshysynyń aıtýynsha, mundaı jasaq elimizde birinshi bolyp Atyraý oblysynda qurylǵan. 1 maýsymnan bastap Qyzylqoǵa aýdanynyń Qarabaý eldi mekeni aýmaǵynda «Jasyl el» jastary jumysyn bastady. Qazir 14 stýdent eski qorǵandardy qazyp, Uly Jibek joly boıynda qalǵan tarıhı qundylyqtardy izdestirý ústinde. Al shilde-tamyz aılarynda «Han ordaly Saraıshyq» qalashyǵy men «Taskeshý» kerýen saraıynda qazba jumystary júrgiziledi.
Baqytgúl BABASh, «Egemen Qazaqstan»