Mańǵystaý oblysynyń ákimi E.Toǵjanov Olımpıada oınydarynyń eki dúrkin kúmis júldegeri, boksshy Ádilbek Nııazymbetovke Rıo-de-Janeıroda ótken Olımpıadada kúmis júldeger bolýyna oraı Aqtaý qalasyndaǵy «Green Park» turǵyn úı kesheninen eki bólmeli páter syılady.
Sondaı-aq, Ádilbek pen onyń jattyqtyrýshysy M.Jakıevke Toyota avtokóliginiń kiltin tabystady. Páter Memleket basshysy N.Nazarbaevtyń tasyrmasy negizinde berilse, avtokólik jergilikti ákimdiktiń syılyǵy. Olımpıadaǵa qatysqan taǵy bir boksshy B.Ábdirahmanovqa 5 mln. teńgeniń sertıfıkaty berildi.
Mańǵystaý oblysynyń Sport basqarmasy Á.Nııazymbetovtiń qurmetine qazaqy oıý-órnektermen naqyshtalyp, balalarǵa arnalyp tigilgen «Adok» sporttyq kıim úlgilerimen tanystyrdy. Qazaqstandyq brend tanylǵan atalmysh sporttyq kıim EXPO-2017 kórmesinde tanystyrylatyn bolady.
Gúlaıym ShYNTEMIRQYZY,
«Egemen Qazaqstan»