Taraptar Astana ekonomıkalyq forýmy - 2017 aıasynda usynylǵan tuǵyrnamada Ońtústik-Ońtústik jáne Úsh jaqty yntymaqtastyqtyń áriptestik máselerin talqylap, onyń ishinde «jasyl» ekonomıka boıynsha yntymaqtastyqty damytýǵa basa nazar saldy.
Forým jumysyna QR Ulttyq ekonomıka mınıstrligi, BUU Damý Baǵdarlamasynyń Eýropa, TMD jáne Eýropa elderi boıynsha aımaqtyq Bıýrosy, BUU Ońtústik-Ońtústik yntymaqtastyǵy boıynsha Basqarma, Astanadaǵy memlekettik qyzmet salasyndaǵy О́ńirlik hab, Islam damý banki, Islam elderine arnalǵan Statıstıkalyq, ekonomıkalyq jáne áleýmettik zertteýler ınstıtýty jetekshileri men basqa da halyqaralyq uıymdardyń joǵarǵy laýazymdy tulǵalary qatysty.
Forýmdy QR Ulttyq ekonomıka mınıstri orynbasary Ernar Bakenov, Astanadaǵy memlekettik qyzmet salasyndaǵy О́ńirlik haby basqarýshy komıtet tóraǵasy Alıhan Baımenov jáne birqatar halyqaralyq uıym ókilderi ashty.
“ Astanadaǵy memlekettik qyzmet salasyndaǵy О́ńirlik haby Qazaqstan úkimeti men BUU Damý Baǵdarlamasynyń aldyńǵy qatarly bastamasy bola otyryp, qurylǵannan bastap, áriptestikke, memlekettik qyzmet salasyndaǵy áleýetti arttyrýǵa, «teń teńimen» qaǵıdaty boıynsha oqytýǵa baǵyttalǵan, kún tártibi ıkemdi ári azamattar suranysyn baǵdar tutatyn kópjaqty tuǵyrnama retinde málim,» - dedi Alıhan Baımenov.
BUU Bas hatshysynyń kómekshisi, BUU Damý baǵdarlamasy Eýropa jáne TMD elderi boıynsha Aımaqtyq bıýro dırektory Djıhan Sultanoglý baǵdarlamalyq sóz sóılep, Eýropa jáne TMD elderindegi adam resýrstarynyń turaqty damýy salasyn ilgeriletýdegi Ońtústik-Ońtústik jáne úshjaqty yntymaqtastyq týraly birinshi aımaqtyq esebimen tanystyrdy.
Forým barysynda aımaqtyq yntymaqtasty nyǵaıtý boıynsha naqty mehanızmder usynylyp, Ońtústik-Ońtústik baǵytynda bilim jáne tehnologııalar almasýda jeke sektordy tartýdyń joldary keńirek qarastyryldy.