Marca basylymynyń aqparaty boıynsha, Florentına Peres bastaǵan klýb basshylyǵy ony laıyqty deńgeıde qorǵamaı otyrǵany Ronaldýdyń kóńiline kelgen sekildi.
Brıtanııalyq Independent basylymynyń málimetine sáıkes, Ronaldý ulttyq quramadaǵy áriptesterine de, «Real» basshylyǵyna da «Santıago Bernabeýge» qaıtyp oralmaıtynyn aıtypty. Madrıdtik ujym onyń transferlik qunyn 400 mln eýroǵa baǵalap otyr. Portýgalııalyq oıynshy shyn máninde Madrıdten keter bolsa, «Parı Sen Jermen» men «Manchester Iýnaıted» klýbtary ǵana bul somany tóleýge qaýqarly.
Degenmen, klýb basshylyǵy Konfederasııa kýbogy kezinde fýtbolshy bul raıynan qaıtady dep úmittenip otyr. Agenti Jorje Mendesh «Real» basshylyǵyna Anglııa, Fransııa, Qytaı elderiniń komandalary qyzyǵýshylyq tanytyp otyrǵanyn jetkizdi.
Al Tuttosport málimeti boıynsha «Manchester Iýnaıted» Krıshtıaný Ronaldý men Alvaro Morata úshin negizgi qaqpashysy Davıd De Heany jáne 210 mln eýro usynýǵa daıyn. Al londondyq «Chelsı» rekordty deńgeıde qarjy jumsamaı, ony basty juldyzy Eden Azarmen almastyrǵysy keledi.
Aıta keteıik, salyq tólemegeni jaıly aıyptaý rastalǵan jaǵdaıda, oıynshyǵa 28 mln eýro aıyppul salynyp, jeti jylǵa bas bostandyǵynan aıyrý jazasy kesiledi.
Krıshtıaný Ronaldý «Realǵa» 2009 jyly «Manchester Iýnaıted» ujymynan aýysyp kelgen. Osy ýaqyt aralyǵynda ol resmı 394 oıynǵa qatysyp,406 goldyń avtory atandy. Madrıdtiktermen birge úsh retten Chempıondar lıgasyn, ÝEFA Sýperkýobyn utyp aldy. Sonymen qatar, eki retten Klýbtar arasyndaǵy álem chempıonatynda, Ispanııa chempıonatynda, Ispanııa Kýbogynda top jardy jáne bir ret Ispanııa Sýperkýbogyna qol jetkizdi.