Aqtóbede Halyqqa qyzmet kórsetý ortalyǵynyń (HQQO) ǵımaratynda zańsyz deldaldyq qyzmet uıymdastyrǵan bir top tulǵa quryqtaldy. Bul týraly Aqtóbe oblystyq Polısııa departamentiniń baspasóz qyzmeti habarlady, dep jazady Egemen.kz.
Uıymdasqan qylmysqa qarsy kúres basqarmasynyń qyzmetkerleri júrgizgen jedel is-sharalar barysynda kúdiktilerdiń HQQO ishinde birneshe kabınetti jalǵa alyp, «kómek kórsetý» shemasyn qurǵany anyqtaldy. Olar Orta Azııa elderinen kelgen shetel azamattaryna aqyly negizde zańsyz tirkeý júrgizip, jalǵan qujattar rásimdeýmen aınalysqan.
164 mln teńge shyǵyn: Almatyda júk kólikterin zańsyz tirkegen HQKO-nyń qyzmetkerleri sottaldy
«Qazirgi ýaqytta kúdiktilerdiń sheteldikterge jalǵan qujattardy paıdalana otyryp, deldaldyq qyzmet kórsetkeni dáleldendi. Atalǵan fakt boıynsha jalǵan qujattardy daıyndaý, qoldan jasaý jáne ótkizý baptary negizinde qylmystyq is tirkeldi», dep málimdedi polısııa ókilderi.
Polısııa qazirgi ýaqytta kúdiktilerdiń qylmystyq áreketterin tolyq qujattandyrý boıynsha jedel-tergeý amaldaryn jalǵastyryp jatyr.
Endi HQKO-dan qujatty táýliktiń kez kelgen sátinde alyp ketýge bolady