Brazılııanyń Rıo-de-Janeıro qalasynda ótip jatqan semserlesýden jasósipirimder men kadetter arasyndaǵy álem chempıonatynda tótenshe jaǵdaı oryn aldy. Halyqaralyq semserlesý federasııasy Olımpıadalyq stadıon aýmaǵyndaǵy velodromnyń shatyrynan órt shyqqanyn habarlady, dep jazady Egemen.kz.
«Biz úshin álem chempıonatynyń barlyq qatysýshylarynyń qaýipsizdigi men ál-aýqaty – basty basymdyq. Buǵan deıin jarystar velodromda da, «Karıoka 1» arenasynda da uıymdastyrylǵan edi. Endi barlyq básekeler velodromnan qaýipsiz qashyqtyqta ornalasqan «Karıoka 1» arenasyna aýystyryldy», dep málimdedi federasııa ókilderi.
The Sun basylymynyń málimetinshe, qazirgi ýaqytta órttiń shyǵý sebebi anyqtalyp jatyr. Arnaıy tergeý jumystary bastaldy.
Fýtboldan álem chempıonaty fınalynyń bıletteri taǵy qymbattady
Eske sala keteıik, bıylǵy álemdik dodada Qazaqstan namysyn 17 semserlesýshi qorǵap jatyr.