Bas prokýratýrada Berik Asylovtyń tóraǵalyǵymen ınvestısııalardy qorǵaýǵa arnalǵan forým ótti. Oǵan otandyq jáne sheteldik ınvestorlarmen qatar memlekettik organdar, halyqaralyq uıymdar men bıznes qaýymdastyq ókilderi qatysty. Forýmda Premer-Mınıstrdiń birinshi orynbasary Roman Sklıar, Májilistiń vıse-spıkeri Danııa Espaeva jáne Ulttyq kásipkerler palatasy «Atameken» Prezıdıýmynyń tóraǵasy Qanat Sharlapaev quttyqtaý sóz sóıledi, dep jazady Egemen.kz.
Roman Sklıardyń aıtýynsha, Qazaqstan ekonomıkasy turaqtylyq tanytyp, ári qaraı ósý áleýetin kórsetip otyr. О́tken jyldyń qorytyndysy boıynsha IJО́ 6,5%-ǵa ósken, bul álemdik ortasha kórsetkishten joǵary.
Danııa Espaeva atap ótkendeı, ınvestorlardy qorǵaýda prokýratýra organdarynyń róli zor, sondyqtan aldyn alý sharalaryn kúsheıtý qajet.
Qanat Sharlapaevtyń aıtýynsha, eldiń ınvestısııalyq klımaty birneshe negizgi faktorǵa tikeleı baılanysty. Ol bıznesti uzaq merzimge josparlaý úshin «oıyn erejeleriniń» boljamdy ári turaqty bolýy asa mańyzdy ekenin atap ótti.
Investorlardy qoldaý tetikteri jetildiriledi
Forýmda ınvestısııalardy qorǵaý máselesi Qazaqstannyń memlekettik basymdyqtarynyń biri ekeni atap ótildi. Memleket basshysy Qasym-Jomart Toqaev aıqyndaǵandaı, ınvestor ózin senimdi qorǵalǵan sezinip, ashyqtyq pen turaqtylyqqa senýi tıis.
Qazaqstan búginde 48 úkimetaralyq ınvestısııalardy qorǵaý kelisimine qol qoıǵan, bul eldegi quqyqtyq bazanyń turaqtylyǵyn qamtamasyz etedi. Konstıtýsııaǵa sáıkes prokýratýraǵa zańdylyqty qadaǵalaý mindeti júktelgen, osy sheńberde ınvestorlar men bıznestiń quqyqtaryn qorǵaý kúsheıtilip otyr.
Bas prokýrordyń aıtýynsha, qazirgi tańda 2000-nan astam ınvestorǵa kómek kórsetilip, 30 myń jumys ornyn qamtıtyn 250-den astam joba iske qosylǵan. Sonymen qatar prokýratýra tikeleı Memleket basshysyna baǵynatyn, táýelsiz jáne jedel áreket etetin organ retinde ınvestısııalyq qorǵaýdyń basty tetigine aınalyp otyr.
Investorlardyń quqyqtaryn qorǵaýdy kúsheıtý maqsatynda 2025 jyldyń jeltoqsanynda Investısııalyq ombýdsmenniń fýnksııalary Bas prokýrorǵa júkteldi. Osy negizde Bas prokýratýra janynan Investorlardyń quqyqtaryn qorǵaý komıteti quryldy, al óńirlerde ınvestısııalyq prokýrorlar taǵaıyndaldy. Endi árbir mańyzdy ınvestısııalyq joba prokýrorlyq súıemeldeýge alynady, al ár ınvestorǵa naqty prokýror bekitiledi.
Balqash kóli jaǵalaýyndaǵy jer ýchaskeleri ınvestorlarǵa ashyq aýksıon arqyly usynylady
Jańa zańnamada engizilgen «prokýrorlyq súzgi» tetigi barlyq memlekettik organdar úshin mindetti. Bul degenimiz, olar prokýrordyń kelisiminsiz ınvestordy teksere almaıdy, qyzmetin toqtata almaıdy nemese lısenzııasyn qaıtaryp ala almaıdy. Eger zańsyz sheshimder qabyldansa, olar joıylyp, jaýapty tulǵalar jaýapkershilikke tartylady.
Sonymen qatar, prokýratýra zańnamany tolyq revızııadan ótkizip, ınvestısııaǵa kedergi keltiretin normalardy joıýdy kózdeıdi. Negizgi maqsat – Konstıtýsııada bekitilgen azamattar men bıznestiń quqyqtaryn tolyq saqtaý.
Investısııalyq shtabtyń jumysy da erekshe atap ótildi. Sońǵy eki jylda shtab 200-den astam jobany qarap, olardyń jalpy quny 100 mlrd dollardan asqan. Investısııalyq kelisimderdiń kólemi 15 esege artqan. Bul – ınvestor seniminiń artýynyń aıqyn dáleli.
Investorlarmen jumys isteý barysynda qaǵazbastylyqqa jol bergen 326 sheneýnik jazalandy
Úkimet ókilderiniń aıtýynsha, Qazaqstan ekonomıkasy turaqty ósim kórsetip otyr. О́tken jyly JIО́ 6,5% ósip, tikeleı sheteldik ınvestısııalar 14,4%-ǵa artyp, 20,5 mlrd dollarǵa jetti. Al negizgi kapıtalǵa salynǵan ınvestısııalar 22,7 trln teńgege deıin ulǵaıdy.
Investorlardy qorǵaý júıesi odan ári jetildirilip, iri jobalar úshin 25 jylǵa deıin quqyqtyq turaqtylyqty qamtamasyz etetin kelisimder engizildi. Qazirdiń ózinde 53 ınvestısııalyq kelisim jasalǵan.
Forýmda atap ótilgendeı, prokýratýranyń júıeli jumysynyń arqasynda kásipkerlerge qatysty qylmystyq ister sany 2025 jyly 2024 jylmen salystyrǵanda shamamen 48%-ǵa azaıǵan. Bul – quqyq qorǵaý júıesiniń tıimdiligin kórsetetin mańyzdy nátıje.