Bıylǵy naýryz aıyndaǵy UBT-ǵa 179 myńǵa jýyq adam qatysyp, olardyń 70%-y shekti ball jınady. Bul týraly Ǵylym jáne joǵary bilim mınıstrligi málimdedi, dep jazady Egemen.kz.
Testileýge qatysýshylardyń 75%-y – qazaq tilinde, 25%-y – orys tilinde, al 157 talapker aǵylshyn tilinde tapsyrǵan. Bes pán boıynsha ortasha ball – 66, al eń joǵary nátıje – 140 ball.
Eń úzdik kórsetkishterdiń biri Atyraý oblysynyń túlegi Kenesova Jazıraǵa tıesili. Ol tórt pánnen 90 ball jınap, QAZTEST sertıfıkaty arqyly «Qazaq tili» páni boıynsha nátıjesin konvertasııalaý nátıjesinde jalpy 140 ballǵa qol jetkizdi.
Talapkerler test aıaqtalǵannan keıin 30 mınýt ishinde apellıasııaǵa berý quqyǵyna ıe. Al tehnıkalyq sebepterge baılanysty ótinishter testileý barysynda qabyldanǵan. Bıyl 31 myńnan astam apellıasııalyq ótinish túsip, olardyń ishinde 17 biregeı test tapsyrmasy boıynsha ótinishter qanaǵattandyryldy. Qazir respýblıkalyq komıssııa jumysyn aıaqtap, talapkerlerdiń sertıfıkattary jeke kabınetterinde qoljetimdi.
Pándik kombınasııalar arasynda talapkerler eń kóp tańdaǵan baǵyt – «Matematıka-Fızıka» (18,7%). Odan keıin «Bıologııa-Hımııa» (16,5%) jáne «Shyǵarmashylyq emtıhan» (10,3%) kombınasııalary kósh bastap tur.
Naýryzdaǵy UBT: Semeılik oqýshy Erasyl Saılaýov 140 ball jınady
Erekshe bilim berý qajettilikteri bar talapkerler úshin jaǵdaı jasalyp, 408 adam UBT-ǵa qatysqan.
Testileý barysynda 264 ereje buzýshylyq anyqtaldy. Onyń ishinde 130 talapker tyıym salynǵan zattardy alyp kirmek bolǵany úshin shettetilse, taǵy 134 adam test kezinde tártip buzǵany úshin aýdıtorııadan shyǵarylyp, nátıjeleri joıyldy. Basqa adamnyń ornyna kirý derekteri tirkelmegen.
Mınıstrliktiń málimetinshe, 31 qazanǵa deıin beınejazbalarǵa taldaý júrgiziledi. Eger qosymsha ereje buzýshylyqtar anyqtalsa, talapkerlerdiń UBT nátıjeleri joıylady.
Qazaqstan jańa formattaǵy UBT-ǵa qashan kóshedi?