Zań jobasy Memlekettik bilim berý jınaqtaý júıesi salasyndaǵy qatynastardy quqyqtyq retteýdi jetildirý maqsatynda ázirlengen.
Zań jobasymen «Salyq jáne bıýdjetke tólenetin basqa da mindetti tólemder týraly» kodeksine, Qylmystyq-prosestik kodekske jáne «Bilim týraly», «Memlekettik bilim berý jınaqtaý júıesi týraly», «Eń tómen áleýmettik standarttar jáne olardyń kepildikteri týraly», «Tólemder jáne tólem júıeleri týraly» zańdarǵa ózgerister men tolyqtyrýlar engiziledi.
Engiziletin ózgerister men tolyqtyrýlar Memlekettik bilim berý jınaqtaý júıesine qatysýshy-bankter qyzmetin retteýge jáne salymshylardyń quqyǵyn qorǵaýǵa baǵyttalǵan. Balalardyń quqyqtaryn qorǵaý jónindegi ýákiletti organnyń salymshylardyń basym sanattary boıynsha aqparat usyný jónindegi quzyretin aıqyndaý arqyly basym sanat boıynsha (jetim balalar men ata-anasynyń qamqorlyǵynsyz qalǵan balalar) memleket syılyqaqysyn alý quqyǵyn iske asyrý kózdelgen. Salymshylardyń qaryzyn bilim berý jınaqtaý banktik shottardaǵy aqshaǵa tyıym salýǵa nemese ol jınaqtaǵy qaryzdy óndirip alýǵa tyıym salý kózdelip otyr.
«Bilim týraly» zańǵa «jan basyna shaqqandaǵy qarjylandyrý normatıvi» degen jańa uǵym engiziledi, bul – bilim berýdiń barlyq deńgeılerindegi memlekettik kepildendirilgen oqytý qunynyń qarjylyq qamsyzdandyrylý normatıvi. «Memlekettik bilim berý tapsyrysy» uǵymyna orta bilim berý jónindegi kórsetiletin qyzmetter kólemi engizilgen.
Komıtet tóraǵasy Birǵanym Áıtimova talqylaýdy qorytyndylaı kelip, zań jobasynyń áleýmettik mańyzy zor ekenin atap ótti. Senatordyń aıtýynsha, qazirgi ýaqytta elimizde bilim berý jınaqtaý júıeleri 3 mıllıon oqýshynyń 17,5 myńy ǵana qamtylǵan. Endi memleket pen bankter, elimizde jáne shetelde balalar men jastardyń bilim alýyn qarjylandyrýǵa múmkindik beretin qosymsha salymdar kepildikterin qamtamasyz etedi. B.Áıtimovanyń aıtýynsha, mundaı júıe bizdiń balalarymyzdyń bolashaǵyna baǵyttalǵan. Jańa engizilimniń árbir otbasyna áseri bolary anyq. Sondyqtan komıtet basshysy memlekettik organdardy, qoǵamdyq uıymdar men buqaralyq aqparat quraldaryn qabyldanǵan erejelerdiń mán-mańyzyn halyqqa jan-jaqty túsindirýge shaqyrdy.
Zań jobasy Palata qaraýyna jiberildi.