«Oblys boıynsha 20-22 maýsym aralyǵynda 3858 mektep bitirýshi UBT-ǵa qatysty. 20-21 maýsym kúnderi jalpy sany 2106 oqýshy (qazaq tilinde - 1102, orys tilinde -1004) test tapsyrdy. Erteń 3 myńnan astam, búrsúgúni 420 oqýshy synaqtan ótedi dep josparlanǵan», - deıdi oblystyq bilim basqarmasynyń mektepke deıingi jáne jalpy orta bilim bóliminiń bas mamany Ráýııa Halenova.
UBT tapsyrylǵan úsh kúnde óńir boıynsha jınalǵan eń joǵary bal О́skemen qalasyndaǵy daryndy balalarǵa arnalǵan mamandandyrylǵan oblystyq mektep-lıseı-ınternatynyń oqýshysy Rıza Bókeıhanovanyń enshisinde. Onyń jınaǵan baly – 136. Atalǵan bilim ordasynyń dırektory Aıgúl Abdýldına shákirtiniń bıologııa pánin tańdaǵanyn, Semeı men Astana qalasyndaǵy medısınalyq akademııanyń birine oqýǵa túspek oıy bar ekenin aıtty.
UBT oblys ortalyǵyndaǵy eki joǵary oqý ornynda ótkizilip jatyr. Oblystyq Ulttyq biryńǵaı testileý ortalyǵynyń jetekshisi Saırash Iskakova S.Amanjolov atyndaǵy ýnıversıtettegi 21 maýsymdaǵy alǵashqy lektegi testileý synaǵynyń sátti ótkenin, bul kúni 501 oqýshy test tapsyrǵanyn habarlady.
Azamat Qasym,
"Egemen Qazaqstan"
О́skemen