Búgin Shetel ınvestorlary keńesiniń 30-shy plenarlyq otyrysynyń jumysy aıasynda QR Premer-Mınıstri Baqytjan Saǵyntaev Eýropa qaıta qurý jáne damý bankiniń prezıdenti Sýma Chakrabartımen, vıse-prezıdent Dıvakar Gýpta bastaǵan Azııa damý bankiniń ókilderimen jáne «Reseı Sberbankiniń» basqarma tóraǵasy German Grefpen birqatar kezdesýler ótkizdi, dep jazady primeminister.kz.
Kezdesýler barysynda qarjy, ınfraqurylym, aýyl sharýashylyǵy, kásipkerlik, «Jańǵyrtý 3.0» iske asyrý aıasynda ekonomıkanyń bazalyq salalaryn tehnologııalyq jańartý jobalaryn qarjylandyrý salasyndaǵy aldaǵy yntymaqtastyqty damytý máseleleri talqylandy.
Qazaqstanǵa arnalǵan EQQDB qyzmetiniń jańa Strategııasy, Qazaqstanǵa arnalǵan ADB seriktestiginiń 2017-2021 jyldarǵa arnalǵan jańa Eldik strategııasy jáne Ortalyq Azııa óńirlik ekonomıkalyq yntymaqtastyǵynyń 2030 jylǵa deıingi Strategııasy jobalaryna erekshe kóńil bólindi.