14-shi «Qazan órnekteri» halyqaralyq baıqaýy balalar men jasóspirimder arasynda uıymdastyrylyp, «Ekspromt» halyqtyq bı teatrynyń bıshileri top jardy.
Konkýrsqa álemniń ár qıyrynan 70-ke jýyq óner ujymdary qatysyp, bári de bas júldeden úmitker bolǵan.
«Tyńǵylyqty ázirliktiń arqasynda 18 qyzymyz da tamasha óner kórsetti. «Estradalyq bı» atalymynda birinshi oryndy ıelendik. «Zamanaýı horeografııa», «Mánerli qımyl» atalymdarynda ekinshi laýreat atandyq», – deıdi «Ekspromt» halyqtyq bı teatrynyń kórkemdik jetekshisi Alena Marınes.
Buǵan deıin Astana, Máskeý qalalaryndaǵy baıqaýlarda joǵary nátıjege jetken myń buralǵan bıshiler endi jeltoqsan aıynda Sankt-Peterbýrg qalasynda ótetin halyqaralyq «Artis-2017» atty baıqaýǵa qatysatyn bolady.
О́mir Esqalı, «Egemen Qazaqstan». Soltústik Qazaqstan oblysy.