«Qazaqstan barysy-2017» týrnıriniń birinshi aınalymynda 2011 jylǵy «Barys» Ulan Rysqul men osy básekeniń 2013 jylyǵy chempıony Aıbek Nuǵymarov jarystyń ekinshi aınalymyna shyqty. Ulan Rysqul birinshi beldesýinde Aqmola oblysynyń balýany Dáýlet Áshirhanovty taza jeńispen utsa, Aıbek Nuǵymarov qaraǵandylyq «Ásker barysy» Oljas Shynkeevti upaı sanymen jeńdi.
«Qazaqstan barysy» týrnıriniń úsh dúrkin chempıony Beıbit Ystybaev bıyl jarysqa qatyspaıdy. Ol kúz mezgilinde ótetin «Álem barysyna» daıyndalýda.
Aıta keteıik, týrnırdiń júlde qory da qomaqty. Jeńimpaz atanǵan balýanǵa altyn belbeý jáne altynnan quıylǵan «Taıtuıaq» tabystalady. Ekinshi jáne úshinshi orynǵa kúmis jáne qola belbeý beriledi. Sonymen qatar, ár beldesýdegi jeńiske 100 myń teńge qarjylaı syıaqy taǵaıyndalǵan. Al úshinshi oryn ıelengen balýanǵa bir mıllıon 800 myń, bapkerine 900 myń teńge. Ekinshi orynǵa bes mıllıon 500 myń, bapkerine bir mıllıon 800 myń. Birinshi oryn ıelengen balýanǵa 25 mıllıon teńge, bapkerine úsh mıllıon 500 myń teńge tabystalady.