Jas muǵalimderdiń jańa legine ýnıversıtet rektory mindetin atqarýshy Bahodır Álıev dıplomdardy tabystap turyp: «Uly Otan soǵysynyń qıyn-qystaý kezinde – 1944 jyly ashylǵan bul biregeı bilim uıasynyń elimizde pedagog kadrlar daıarlaýdaǵy alatyn orny ólsheýsiz úlken», dep Elbasy atap ótkendeı, Qyzdar ýnıversıtetiniń orny qashanda erek. Bıyl Qyzdar ýnıversıteti – úzdik pedagogıkalyq joǵary oqý orny atanǵanyn atap ótkim keledi. Bizdiń ýnıversıtettiń qurmetti túlekteri – QazKSR-ine eńbek sińirgen muǵalimi Rafıqa Nurtazına, QazKSR oqý-aǵartý isiniń úzdigi Ryskúl Maqatova, belgili qoǵam qaıratkerleri Záýre Qadyrova, qoǵam qaıratkeri Asyly Osman, qoǵam qaıratkeri Orazkúl Asanǵazy, Bilim jáne ǵylym mınıstri bolǵan elimizge belgili tulǵa Shámshá Berkimbaeva sııaqty el maqtanyshy bolyńdar! «Ustaz bolý ulyq emes, uly qyzmet», bilikti maman, joǵarǵy dárejedegi muǵalim bolyńyzdar. Bilimdi, zeıindi shákirtterińiz kóp bolsyn! Mereılerińiz ústem bolsyn, aq jol!», – dedi. Bıylǵy oqý jyly Qyzdar ýnıversıtetin 41 mamandyq boıynsha bakalavrlyq bilim alǵan 1056 túlek aıaqtady. Onyń 264-i úzdik dıplommen bitirip otyr.
Aınash ESALI, «Egemen Qazaqstan»
ALMATY