Búgin EXPO-2017 kórmesinde ulttyq kúnin atap ótý reti Gana respýblıkasyna kelip jetti. Gana – Batys Afrıkadaǵy shaǵyn ǵana el. Halqy ózgelerdeı paıdasy mol balamaly energııany qoldaıdy. Sondyqtan osy mańyzy zor halyqaralyq sharaǵa qatysýǵa nıet bildirgen. Aıta keteıik, Afrıka plazasynda dál osyndaı 21 memleket jasyl energetıkaǵa qatysty jobalaryn usynyp otyr. aıtyp beredi. Gana respýblıkasynyń pavılonynda eldiń tarıhy men dástúri ǵana emes, sonymen qatar, balama energııa kózderine degen zamanaýı kózqarastar kórinis tapqan. Ganalyq ǵalymdar da jasyl energııany óndiretin túrli joldardy talqylap, ony ózderine endirýdi kózdeıdi. Balamaly energııa salasy damyǵan memlekettermen iskerlik baılanys ornatýdy josparlap otyr.
Delegasııany basqaryp kelgen Ahenkor Kıngslı EXPO-2017 kórmesi el energetıkasynyń damýyna jańa serpin beretindigin atap ótti. Mereke aıasynda mádenı muraǵa baı baǵdarlama usynyldy. Gana ártisteri ótken kúnnen bolashaqqa bastar qadamdy, urpaqtan urpaqqa berilip kele jatqan damýǵa degen qulshynysty aıqyndaıtyn «WHEELS» mıýzıklin qoıdy. Gana ulttyq kúnin «Gana – jańǵyrtylatyn energııa kózderiniń múmkindikter mekeni» taqyrybyndaǵy bıznes-forýmy jalǵastyrdy. Endi Gana týraly az-kem aqparat bere ketsek, respýblıka táýelsizdik kúnin 1975-shi jyldan beri atap ótiledi. Táýelsizdik alǵanymen Brıtan yntymaqtastyǵynyń quramynda qaldy. El astanasy – Akkra, resmı tili – aǵylshyn.