Endi barlyq óńirlerde Damý Blıs tehnologııasy boıynsha mólsherlemesi 8,5 paıyzdan aspaıtyn qarjylandyrý baǵdarlamalaryna engiziletin bolady.
«Damý Blıs» tehnologııasy 2016 jyly qańtar aıynda Almaty men Almaty oblysynda «Bank KassaNova» AQ, «Alfa Bank» AQjáne «Bank Astany» AQ arqyly qanatqaqty joba retinde engizilgen edi. Bul – «jyldam nesıe» berýdiń jańa tehnologııasy. Negizinen ońaı rásimdep, 7 kúnge jetpeıtin ýaqyt ishinde qarjyny qolǵa tıgizedi. Bul tehnologııa boıynsha jumys isteıtin barlyq menedjerler konsaltıngtik kompanııada arnaıy semınardan ótken.
«Halyq Bankiniń Damý Blıs tehnologııasyna qosylyp qana qoımaı, shaǵyn jáne orta bızneske nesıe berýde jedel sheshimder qabyldaý qajettigin eskere otyryp, naryqta «Halyq Kásipker-35» jobasyn iske qosty. Bul bizdiń maqsatymyzben úndes. Qazir naryqta básekelestik joǵary. Bul taıtalasta jyldam áreket etken bankter ozady», – dedi «Damý» Qory Basqarma Tóraǵasynyń orynbasary Nurlan Aqshanov.
«Damý» Qorynyń baspasóz qyzmetiniń málimdeýinshe nesıe túrleri men kólemi tómendegideı bolady:
Shaǵyn nesıe – Qazaqstannyń óńirlerinde 30 mln teńgege deıin, Astana men Almaty úshin 60 mln teńgege deıin beriledi. Investısııa úshin 84 aıǵa deıin, aınalym qarajatyn toltyrýǵa 36 aıǵa deıin. Shaǵyn nesıe alý úshin kem degende 6 aı jumys istep turǵan bıznes bolýy kerek.
Bastapqy nesıe – 20 mln teńgege deıin beriledi. Investısııa úshin 84 aıǵa deıin, aınalym qarajatyn toltyrýǵa 36 aıǵa deıin beriledi. Bıznestiń tirkelgenine 36 aıdan aspaýy kerek.
Eki nesıe boıynsha da maquldaý ýaqyty ekinshi deńgeıli bankke ótinim bergen ýaqyttan bastap 7 jumys kúninen aspaıdy.
Qazirgi kezde Damý blıs tehnologııasy 15 óńirdegi ekinshi deńgeıli 14 bankte qoldanylyp keledi. Salynǵan qarajattyń jalpy somasy 29 mlrd teńgege jetken. Búginde jalpy quny 1,5 mlrd teńge bolatyn 116 joba maquldanǵan.
Aınash ESALI, «Egemen Qazaqstan». ALMATY