«Nurly jer» baǵdarlamasy ekinshi deńgeıli bankter beretin syıaqy mólsherlemesin sýbsıdııalaý arqyly ıpotekalyq nesıeniń qoljetimdiligin arttyrýǵa baǵyttalǵan. Sýbsıdııalaý ekinshi deńgeıli bankterdiń úı salýshydan alǵashqy turǵyn úı alýǵa berilgen ıpotekalyq turǵyn úı qaryzdary boıynsha júrgiziledi.
– Qazir ekinshi deńgeıli bankter turǵyndarǵa jylyna 17 paıyzben ıpoteka beredi, endi atalǵan baǵdarlama arqyly memleket ıpotekalyq qaryzdyń syıaqy mólsherlemesiniń 6-7 paıyzyn sýbsıdııalaıtyn bolady, – dep habarlady Atyraý oblystyq qurylys basqarmasynyń basshysy Málik Amanov. – Nátıjesinde, qaryz alýshynyń aı saıynǵy tólemi 30-40 paıyzǵa azaıady. Aıta ketý kerek, baǵdarlamaǵa qatysý úshin ıpoteka kezegine turý talap etilmeıdi, turǵyn úıleriniń sany mańyzdy emes jáne qosymsha komıssııalar joq. «Nurly jer» baǵdarlamasy boıynsha QR-nyń kez kelgen azamaty ıpotekalyq qaryz alýǵa ótinish bere alady.
Baǵdarlamany júzege asyrý baspana alǵysy keletinderge de, baǵdarlamaǵa qatysatyn úı salýshylarǵa da tıimdi.
– EDB sýbsıdııalaý týraly sheshim qabyldanǵan kezde Qazaqstan Respýblıkasy Ulttyq Bankiniń bazalyq mólsherlemesiniń 5 paıyzynan aspaıtyn syıaqy mólsherlemesi boıynsha qaryz beredi, - deıdi «Damý» KDQ» AQ Atyraý oblysy boıynsha aımaqtyq bólimshesiniń dırektory Əlııa О́tepqalıeva. – Qaryz alýshynyń nesıesi boıynsha jylyna syıaqy mólsherlemesiniń 7 paıyzyn EDB-ke memleket tóleıdi.
Ipotekalyq nesıeleýdiń qoljetimdiligin arttyrý, jeke kompanııalardyń turǵyn úı salýyn yntalandyrýmen qatar «Nurly jer» baǵdarlamasynyń basqa da maqsattary bar.
Búginde Atyraý oblysynda «Nurly jer» baǵdarlamasymen halyqtyń áleýmettik turǵydan álsiz toby úshin nesıelik jáne jalǵa beriletin turǵyn úı qoryn qurý aıasynda jalpy aýdany 135,6 myń sharshy metr bolatyn, 2007 páterli 37 turǵyn úıdiń qurylysy júrip jatyr. Qurylys jumystary jyl sońyna deıin aıaqtalady. Bıylǵy 6 aıda 291,8 myń sharshy metr turǵyn úı paıdalanýǵa berildi, ıaǵnı 12 úı, 717 páter, – deıdi Atyraý oblystyq qurylys basqarmasynyń basshysy Málik Amanov. – Sonymen qatar, bıyl ınjenerlik-kommýnıkasııalyq ınfraqurylym qurylysyna 11,2 mlrd teńge bólindi, ol turǵyn úı qurylysynyń qarqynyn jedeldetýge múmkindik beredi. Qazir 4 368 páterden turatyn 43 kóp páterli turǵyn úıdiń jobalyq-smetalyq qujattamasy daıyndalý ústinde. Qurylys 2018 jyly Atyraý qalasynyń «Bereke», «Nursaıa» yqshamaýdandarynda josparlanǵan. Bıyl atalǵan jobalardyń ishinde jergilikti bıýdjet esebinen 2118 páterli 14 turǵyn úıdiń qurylysy bastalady.
Qurylys basqarmasynyń basshysy Málik Amanovtyń aıtýynsha, úı salýshylar «Nurly jer» baǵdarlamasyna belsendi qyzyǵýshylyq tanytýda, qazir bankter birneshe jobalardy qarap jatyr. Boljam boıynsha azamattardan ótinish qabyldaý 2017 jyldyń tamyz aıynda bastalady.
Kúni búgin baǵdarlamaǵa qatysýǵa 7 bank qoldaý kórsetip otyr, olar: «Sesnabank» AQ, «Sberbank» AQ, «BankSentrKredıt» AQ, «Bank RBK» AQ, «ATFBank» AQ, «Qazaqstannyń turǵyn úı jınaq banki» AQ, «Tengri Bank» AQ. «BankSentrKredıt» pen «ATFBank» ótinish qabyldaýdy bastady.
Baqytgúl BABASh, «Egemen Qazaqstan»