Ábdirazaq aǵamyzdan «Qazaqstan barysy-2017» týrnıriniń shırek fınalynda uldary Ulan men Rýslan jolyǵyp, inisi aǵasyna jol berdi me álde shynymen jeńilip qaldy ma?», dep suraǵanymyzda Ulan bıyl «Qazaqstan barysynda» sońǵy ret kúreskenin, budan keıin Qazaq kúresi federasııasynda jumys isteıtindigin aıtty.
– «Qazaqstan barysy» týrnırinde eki ulym eki topqa túsip, fınalda jolyqsa dep úmittenip edim. Biraq, jerebe ekeýin shırek fınalda keziktirdi. Ulan osy týrnırdiń aldynda Qazaq kúresi federasııasyna jumysqa turatynyn aıtyp, bıyl sońǵy ret kúresemin degen bolatyn. Qazaqta «Aǵa turyp, ini sóılegennen bez» degen sóz bar ǵoı. Sondyqtan, Rýslan úlkenge izettilik tanytyp jartylaı fınalda aǵasyna jolyn bergen bolatyn, - deıdi Ulannyń ákesi.
Ulan Rysquldyń Qazaq kúresi federasııasyndaǵy qyzmetin naqtylaý úshin ózine habarlasqanymyzda jaqynda federasııaǵa qyzmetke ornalaspaq nıette ekendigin aıtty. Biraq, naqty qandaı qyzmet atqaratynyn aıtqan joq.
Aıta keteıik, Ulan Rysqul «Qazaqstan barysy» týrnırine qatysyp, Qazaq kúresi federasııasynda jumysqa turǵan ekinshi balýan atanbaq. Buǵan deıin 2011, 2012 jyldary týrnırdiń júldegeri atanǵan Shalqar Jolamanov Qazaq kúresi federasııasynda tóreshiler komıtetine tóraǵalyq qyzmetin atqaryp keledi.
Eske sala keteıik, Ulan Rysqul 2011 jyly uıymdastyrylǵan «Qazaqstan barysy» týrnıriniń tuńǵysh jeńimpazy.
Ábdirazaq Ǵalym aǵamyzben bolǵan suhbattyń tolyq nusqasyn aldaǵy ýaqytta saıtymyzdan oqı alasyzdar.
Álı BITО́RE,
«Egemen Qazaqstan»