Eldik múddeden týǵan is

Elbasy Nursultan Nazarbaev halyqqa arnaǵan Joldaýynda salamatty ómir saltyn qalyptastyrýǵa bıznes ókilderiniń de atsalysýy qajettigin erekshe atap ótken edi. Osyǵan oraı jaqynda «Azyq-túlik kelisim-shart korporasııasy» UK» AQ Sol­tús­tik Qazaqstan oblysy, Ǵ.Músirepov aýdany, Novoıshımka eldi mekeninde quny 6 mıllıon teńgeni quraǵan jańa jabyq fýtbol stadıonyn salyp, paıdalanýǵa berdi. Stadıonda zamanaýı kógal jamylǵysy tóselgen. Sonymen qatar, jas jetkinshekter teńbil dopty armansyz kúndiz-túni tebýi úshin onda jıyrma tórt saǵattyq arnaıy jaryq berý qondyrǵysy da ornatyldy.  Korporasııanyń bas­qarma tóraǵasy Beıbithan Qabdyrahmanovtyń aıtýy boıyn­sha, bul olardyń Qazaqstan Tá­ýelsizdiginiń 20 jyldyǵyna oraı qolǵa alǵan alǵashqy jumysy, bolashaqta atalmysh eldi mekende stadıonǵa irgeles muz aıdyny keshenin salý josparlanýda. «Azyq-túlik kelisim-shart kor­porasııasy» UK» AQ sonaý 1995 jy­ly Qazaqstan Respýblıkasy Mınıstrler Kabınetiniń qaýly­sy­­men Memlekettik azyq-túlik kelisim-shart korporasııasy retinde qurylǵan edi.  Al 1997 jyly osy korporasııa aksıonerlik qo­ǵam­ǵa aınalǵany belgili. Sodan beri múshel jasty ótkergen korporasııa on tórt jasqa tolyp, damý úrdisiniń bir belesinen asty. Korporasııa el ekonomıkasynyń negizgi salalaryndaǵy ózekti  stra­tegııalyq memlekettik máse­le­lerdi sheshetin on eki aksıonerlik qoǵamnyń qataryna qosyldy. Korporasııa bıdaıdyń memlekettik qoryn jasaqtap, jańartyp qana qoımaı, ony shetelge eks­porttaýmen aınalysady. Qazaqstannyń aýyl sharýashy­lyǵy sońǵy on jylda túbegeıli ózgerip,  jańa serpin aldy. Eli­miz­diń ekonomıkasy ilgeri jyl­jyp, halyq turmysy túzeldi. «Azyq-túlik kelisim-shart kor­porasııasy» UK» AQ sııaqty kor­po­ra­sııa­lardyń osylaısha damýy, eń aldymen memlekettiń órken­de­ýiniń kórsetkishi bolyp tabylady. Gete aıtqanyndaı, eń úzdik úkimet – azamattardy ózin-ózi basqarýǵa úıretetin úkimet. Bıznes qýatty bolsa, memleket te qýatty bolmaq. Mine, sondyqtan da el saıasatynyń shynaıyly­lyǵy, Táýelsizdiktiń 20 jyldyǵy qarsańynda josparlanyp, atqa­ry­lyp jatqan ister úlgisinde anyq kórinis tabýda. Táýelsizdik mereıtoıy memleket tarıhyndaǵy  jarqyn oqıǵa bolmaq. Sebebi, ol – táýelsizdik jyldarynda júrip ótken joly­myzdyń qorytyndysy. Sondyq­tan da Táýelsizdiktiń 20 jyldy­ǵyna baılanysty «Beıbitshilik pen jasam­pazdyqtyń jıyrma jyl­dyǵy» Jalpyulttyq jospa­ry jasa­lyp, basty basymdyqtar aı­qyndaldy. Mereıtoıdy laıyq­ty ótkizýge óz úlesin qosý árkim­niń azamattyq paryzy dep sanaı­tyn Elbasy  Úkimetke «Samuryq-Qazy­na» ulttyq ál-aýqat qory» AQ-pen birlesip qazaqstandyq kompanııalar tarapynan mereı­toıdy laıyq­ty deńgeıde ótkizýge atsalysyp, demeýshilik qoldaý kórsetý  máse­lesin pysyqtaýdy tapsyrdy. Endeshe,  «Azyq-túlik kelisimshart korporasııasy» UK» AQ josparlap, aýyl jastarynyń buqara­lyq sportpen aınalysýy­na tartý etken jabyq fýtbol stadıony da sózsiz eldik múdde­den týǵan is. Jazıra BAIDALY.