Japonııa elshiligi Astanada Japonııanyń 126-shy ımperatory Narýhıtonyń týǵan kúnine arnalǵan saltanatty qabyldaý ótkizdi. Onda qatysýshylar japon halqynyń mádenıetimen keńinen tanysty, dep jazady Egemen.kz.
Eki eldiń ánurandary shyrqalǵan soń, Japonııanyń Qazaqstandaǵy Tótenshe jáne ókiletti elshisi Iıdjıma Iаsýmasa men О́nerkásip jáne qurylys mınıstri Ersaıyn Naǵaspaev sóz sóılep, qazaq-japon baılanysyna toqtaldy.
«О́tken jyl Japonııa men Qazaqstan arasyndaǵy qarym-qatynastardyń jańa beleske kóterilgen kezeńi boldy. Joǵary deńgeıdegi kezdesýler men ózara saparlar eki el arasyndaǵy yntymaqtastyqty burynǵydan da tereńdete tústi. Bul ózara senimge negizdelgen strategııalyq seriktestigimizdiń aıqyn kórinisi. «Ortalyq Azııa + Japonııa» formatyndaǵy alǵashqy Kóshbasshylar sammıtiniń sátti ótkenin erekshe atap ótken jón. Biz óńirdiń derbes, beıbit ári ornyqty damýyn qoldaımyz. Japonııanyń tájirıbesine, tehnologııasyna jáne adam qaýipsizdigi qaǵıdattaryna súıene otyryp, óńirdiń ekonomıkalyq jáne áleýmettik órkendeýine aldaǵy ýaqytta da óz úlesimizdi qosýdy jalǵastyramyz», dedi Elshi.
Japonııada jaýǵan qalyń qar saldarynan 40-tan astam adam qaza tapty
Saltanatty qabyldaýǵa arnaıy kelgen О́nerkásip jáne qurylys mınıstri Ersaıyn Naǵaspaev qatysýshylardy Japonııanyń Ulttyq kúni – Imperatordyń týǵan kúnimen quttyqtap, Japonııa elimizdiń mańyzdy strategııalyq seriktesteriniń biri ekenin aıtap ótti.
Budan soń, is-sharaǵa qatysqan sheteldik dıplomattar, elimizdiń memlekettik organdar, mádenı orta men BAQ ókilderi «Kagamıvarı» dep atalatyn japonnyń ulttyq sakesi quıylǵan bóshkeni jarý saltanatyna kýá boldy.
Túrkistan oblysynyń ókili Japonııadaǵy HH Azııa oıyndarynda tórelik etedi
Imperator Narýhıto 1960 jyly 23 aqpanda Tokıoda dúnıege kelgen. Ol taqqa 2019 jyldyń 1 mamyrynda otyrǵan. Murager bolyp jarııalanbas buryn ol Hıro-no-mııa ataǵyn ıemdendi.1989 jyly 7 qańtarda atasy Hırohıtonyń qaıtys bolýymen ol taqtyń murageri boldy. Qaıyrymdylyqpen aınalysady.
Jalpy Japonııa Imperatory memleket jáne halyq birliginiń sımvoly retinde qurmetteledi jáne ulttyq tutastyqty, úılesimdilik pen turaqtylyqty nyǵaıtýda mańyzdy ról atqarady.
Japonııany moıyndatqan Ersin Baltaǵul balýandarǵa ádis-tásilderin kórsetti