«Alashtyń salmaǵynda» sharshy alańǵa shyqqan Aslanbek pen Sotolongo jekpe-jek bastala sala eshteńe qaramastan bir-birine soqqy jumsaýdan aıanǵan joq. Endi she, bul kezdesý Shymbergenov úshin «ne bel, ne belbeý ketetin» jekpe-jek bolatyn. Al kýbalyq komanda WSB tujyrymdamasynyń kýbogyna bir taban jaqyn turǵan-dy. Áıtse de, Shymbergenovtyń soqqysy shymbaıyna batqan Sotolongo san soǵyp qaldy.
Aslanbek Shymbergenov kýbalyq boksshymen 2015 jylǵy fınalda kezdesip, kýbalyqtan aılasyn asyrǵan. Sondaı-aq, 2014 jylǵy «Chempıondar kezdesýinde» Sotolongo taǵy bir «Arlan» Madııar Áshkeevten jeńilgen-tuǵyn. Jalpy, Ronelge qazaq boksshylarymen judyryqtasý yńǵaısyz bolyp júr.
Dúnıejúzilik boks serııasynyń (WSB) jetinshi maýsymdaǵy fınaldyq jekpe-jegi dál qazir Astanadaǵy «Qazaqstan» sport kesheninde ótip jatyr. Aslanbek Shymbergenovtyń jeńisinen keıin "Astana arlandary" men "Kýba qabylandary" arasynda ótip jatqan fınaldyq kezdesýde tarazy basy teńesti.