Tehnıkalyq qyzmetter sapasy arta túspek

«Eır Astana» kom­pa­nııa­sy jolaýshylarǵa kór­se­tiletin qyzmet sapasyn arttyrý baǵytynda bir­qa­tar sharalardy júzege asy­ryp, jańa jobalar qata­ryn molaıtýda. Kompanııa taıaýda Ortalyq Azııa men TMD aımaǵynda halyq­ara­lyq deńgeıdegi avıasııa­lyq-tehnıkalyq ortaly­ǵy­nyń qurylýyndaǵy ma­ńyz­dy kezeńderiniń biri – jón­deý sehynyń tusaýyn kesti. Áýe kemeleriniń qury­lym­dyq bólikterine, avıa­sııa­lyq dóńgelekterge, ba­tareıalarǵa tehnıkalyq qyz­met kórsetý jáne basqa da jumystar bul salada birqatar tıimdilikke qol jetkizbek. Ushaqtardyń qu­rylymdyq bólikteri men konstrýksııalary boıynsha jańa jóndeý ortalyǵynyń ashylýy kelesi jyldan bas­tap ózderiniń áýe kemeleri parkine qyzmet kór­setýde jylyna bir mıllıon dollarǵa jýyq qarajat únemdeýge yqpal etedi. Sonymen qatar, «Eır Astana» respýblıka aýma­ǵyn­da ózge elderdiń áýe tasy­mal­daýshylaryna da joǵa­ry sapaly jóndeý qyzme­tin kórsete alady. Al, mun­daı quqyq halyq­aralyq sertıfıkattarmen kepildendirilgen. Jańa ortalyqtyń ashy­lýyna arnalǵan jıynda sóz alǵan «Eır Astana» AQ prezıdenti Pıter Foster, kompanııanyń ınje­nerlik-tehnıkalyq qyzmet kórsetý boıynsha dırek­to­ry Tımýr Iаkýpovtyń pikirinshe, ushaqtardy jóndeý joǵary tehnıkalyq óndiris bolyp eseptelingendikten munyń ózi elimizdiń avıa­sııalyq-tehnıkalyq qoryn damytýǵa ıgi yqpal etpek. Ulttyq áýe tasymal­daý­shy­lardyń bul jobasynyń basty ereksheligi – Qazaq­standa osy ýaqytqa deıin qolǵa alynbaǵan «C-check» ushaqtaryna kúrdeli ári aýqymdy jóndeý jumys­taryn júrgizýdi óz kúsh­terimen atqarýǵa qolaıly jaǵdaı týyndaýynda bo­lyp otyr. Ushaqtardy jóndeý ju­­mystary tórt aýy­sym­da júrgiziledi jáne taǵy bir jaǵymdy málimet «Eır Astanada» jumys isteıtin 500 mamannyń 98 paıyzy – qazaqstandyq ma­mandar. Búgingi kúnniń ózekti ta­laby – ma­man­dardyń kási­bı biliktiligi desek, kásip­orynda bul baǵytta da bir­qatar is-sharalar atq­a­ry­lýda. Mamandar óz bilimderin art­tyrý maqsatynda London qalasynda júıeli túrde eńbek ótilinen ótýde. «Eır Astana» áýe kompa­nııasyndaǵy tórt birdeı ınjenerdiń halyqaralyq lısenzııany ıelenýi izdenis pen iskerliktiń jemisi ekendigi anyq. Baqyt BALǴARINA, Almaty.