Kerneı aýylynyń keregesi keńeıdi

Prezıdent tapsyrmasyna sáı­kes, «Kókbóri Kerneı baba» qaı­­y­rym­­dylyq qory sharapatty sha­ra­lar­dy qolǵa ala bastady. 

Aldymen, aýyldyń Kerneı aty­­na az-kem toqtala keteıik. Osy aýyl keshegi maldy ata Kerneıdiń ereý­­ildeıtin jeri bolǵan. Ker­neı taý­ynyń baýraıynda orna­las­qan aýyl­dyń Kerneı ózeni de áli arna­sy­nan aýa qoımapty. Jer­gilikti tur­ǵyn­dar osyndaǵy qa­sıetti atanyń áý­lıe­bulaǵyn kádimgideı mápelep otyr. Keńestik zamannyń jaıy belgili. Aýyl ataýy kópekórineý bur­malanyp kete barǵan. Korneevka bolyp... 

Búginde batyr babanyń ulaǵatty urpaqtary aýyldyń túp ataýyn qaı­ta­ryp,  «Kókbóri Kerneı baba» qo­ǵam­­dyq qoryn ashyp, turǵylyqty ha­­lyqpen baılanysyn úzbeıdi.

Erte kóktemde qoly ashyq azamat­tar Kerneı devıantty arnaıy mek­­te­bin­de bolyp, mýzykalyq or­ta­­lyq, kir jýý mashınasy, shań­sor­ǵysh, basqa da ba­lalarǵa qajetti zat­­tar­dy syılap, tár­bıesi qıyn ba­la­lar­men ekijaqty qa­tynas ornatqan edi. 

Al keshegi ótken Astana kúni qar­s­ańynda qor taǵy da qomaqty qar­jy jumsap, aýyl irgesinen saıa­baq salyp shyqty. 

Bul jerde mundaı isterge mu­ryn­dyq bolyp júretin birneshe aza­mattyń esimderin atap ketýge bolady. Baqı Ábsamat, Maqsutqan Termızuly syndy abyz qarııalar aýyl­dyń aýyzbirshiligin bárinen de joǵary qoıady. Buǵan deıin kóp­shiliktiń qoldaýymen meshit salyndy. Maqsutqan aǵamyz týǵan ólke shejiresimen aınalysyp, eki kitap jazyp tastaǵan. Aqqula eńbektiń jáne biri – aýyl ákimi Tólegen Irgebaevqa tıesili. Aýdanda basshy qyzmette bol­ǵan Tólegen osy aýyl­ǵa ózi sura­nyp kelip, ápkesi, joǵarydaǵy qor­dyń atqarýshy dı­rektory Mıra Atam­al­qy­zymen bi­rigip, aýyl tórinen oıyp tu­ryp Ker­neı saıabaǵyn salýdy qolǵa ala­dy. Jáne ol baqty bıyl, keler jyly dep sozbaqtamaı Astana kúninde qoldanýǵa be­rýdi oılastyrǵan.

Saıabaqtyń tusaýkeser saltana­ty­na aýdandyq máslıhattyń hat­­shysy Ashat Álı qatysyp, qor mú­shelerine aýdan ákimi Sh. Mama­lı­novtyń  Alǵys hatyn tapsyrdy. 

Osy aýyldan oblystyq má­slı­hat­qa depýtat bolyp saı­lan­ǵan Erkin Ahmetov te bul isten syrt qal­maı­ty­nyn jetkizdi. О́ziniń jeke sha­rýa­shy­ly­ǵy bar Erkin qashanda kómek qo­lyn usynyp júredi.

– Elbasymyzdyń ózi qoldap otyr­ǵan joba ǵoı bul. Syrttan kómek kút­­peı ózimizdiń árekettenip jat­q­a­ny­myz qýantady. Bul baqtyń áı­teýir, bir salynatyny aıdaı anyq. Oǵan mem­leket qarjysy je­tedi. Alaıda, ony kútip otyra­tyn ýa­qyt qaıda? Olaı bolsa qolda bar múmkindikti ba­rynsha osylaı­sha paıdalanýymyz kerek, – deıdi Erkin Qabaıuly, – bú­gin bolmaǵanymen men de bul baqta qo­lymnyń tańbasyn qaldyramyn.

Osy óńirdiń taǵy bir halyq qalaý­ly­sy Evgenıı Álpeıisov te Erkinniń só­zin qoldap, qýattap jatty.

Mıras ASAN, «Egemen Qazaqstan»

Qaraǵandy oblysy, Buqar jyraý aýdany