Ipotekamen úı alýdyń ıgiligi

Oblystyq qurylys bas­qar­­ma­synyń basshysy Má­lik Ama­nov­tyń aıtýynsha, ınje­ner­lik-kom­mýnıkasııalyq ın­fra­qu­ry­lymǵa bıyl 11,2 mlrd teńge qa­ralǵan. Sonyń ishinde Ulttyq qor­­dan bólingen 6 mlrd teńgege 21 joba, res­pýblıkalyq bıýdjettiń 3,3 mlrd teńgesine 7 joba júzege asy­ry­lady. Al jergilikti qazy­na­d­an osy maqsatqa 1,9 mlrd teńge bó­li­nip otyr.  Qarqyndy qurylystyń arqa­syn­da oblys ortalyǵynyń aýmaǵy ke­ńeıip, jańa shaǵyn aýdandar boı kóterdi. «Bereke», «Nursaıa» sha­ǵyn aýdandarynda aldaǵy jyly 43 kóp páterli turǵyn úıdiń qury­ly­sy bastalady. Jeke turǵyn úı qu­ry­lysynyń biryńǵaı sáý­le­t­- ­tik kelbetin jasaý maqsatynda ákim­dik ın­je­nerlik kommýnıkasııa­sy tartylǵan 400 ýchas­ke daıyndady. Qazir qurylys jáne turǵyn úı-kommýnaldyq sharýashylyq komıtetiniń syz­balary boıynsha 80 turǵyn úıge jobalyq-sme­ta­lyq qujat jasaqtaýǵa tenderlik rá­simder júrip jatyr.  Buqarany baspanamen qamtýǵa ba­ǵyttalǵan «Nurly jer» baǵ­dar­la­masynyń arqasynda ıpotekalyq qaryzben turǵyn úı alý qol­je­tim­diligi artatyny da jaqsy jańalyq. Buryn ıpo­tekamen turǵyn úı satyp alýshylar ekin­shi deńgeıli bankterge 17 paıyz ústeme tóleýge tıis bolsa, endi «Nurly jer» mem­le­kettik baǵdarlamasynyń aıasynda onyń 6-7 paıyzyn memleket sýb­sıdııalaıdy.  – Sonyń nátıjesinde qaryz alý­shynyń aı saıynǵy tólemi 30-40 paıyzǵa azaıady, – deıdi oblystyq qurylys basqarmasynyń basshysy. – Baǵdarlamaǵa qatysý úshin ıpoteka kezegine turý talap etil­meıdi, turǵyn úıleriniń sany ma­­ńyzdy emes jáne qosymsha ko­mıs­sııalar joq. «Nurly jer» baǵ­dar­lamasy boıynsha elimizdiń kez kel­gen azamaty ıpotekalyq qaryz alýǵa ótinish bere alady.  Bul bastama baspana alǵysy ke­letinderge de, baǵdarlamaǵa qa­ty­satyn úı salýshylarǵa da tıimdi bol­ǵaly otyr.  – Ekinshi deńgeıli bankter sýb­­sıdııalaý týraly sheshim q­a­byl­danǵan kezde Ulttyq bank­tiń bazalyq mólsherlemesiniń 5 paıyzynan aspaıtyn syıaqy mól­sher­lemesi boıynsha qaryz beredi, – deı­di «Damý» qorynyń Atyraý ob­lysy boıynsha aımaqtyq bó­lim­shesiniń dırektory Əlııa О́tepqalıeva.  Jeke qurylys kompanııalary «Nurly jer» baǵdarlamasyna qyzyǵýshylyq tanytýda, qazir bankter birneshe jobalardy qarap jatyr. 

Baqytgúl BABASh, «Egemen Qazaqstan» ATYRAÝ