Sýtekti energııanyń paıdasy shash-etekten

Basqosýda medısına ǵylym­da­ry­nyń doktory, professor, Reseı jáne Eýropa elderiniń eńbek si­ńir­gen ónertapqyshy, AQSh, Reseı já­ne Qytaı elderinde alpysqa jý­yq patenttiń avtory atanǵan Ashot Hachatrıannyń baıandamasy tyń­dal­dy. Ol 1993 jyly Novosibirde sý­tek­ti medısınaǵa arnalǵan klını­ka­syn ashqan. Ǵalymnyń paıymdaý­ynsha, patenttelgen sýtekti teh­no­logııalardyń kómegimen jıi kez­desetin jáne sozylmaly aýrýǵa shaldyqqan adamdardy qulan-taza emdep shyǵýǵa bolady. Osy ýaqytqa deıin professordyń klınıkasynda eńbektegen baladan eńkeıgen kárige deıin 40 myńnan astam adam emdelip shyqqan. Dárigerdiń emdeý ádisi aprobasııadan ótip, qazirgi ýaqytta AQSh, Sıngapýr jáne Qytaıda qoldanylyp júr. Al Novosibirdegi klınıkanyń qazaqstandyq fılıaly Astanada ornalasqan. «Sýtekti medısına Parkınson aýrýy, aýtızm, teri obyry, sút bezi obyry, melanoma, ekzema (qyshyma), býynnyń qabynýy, bronh demikpesi, joǵary qan qysymy jáne múgedektikke alyp keletin ózge de asa qaýipti dertti emdeýge kómektesedi. Sondaı-aq, sýtekti energııany sulýlyq salasynda da qoldanýǵa bolady», deıdi ǵalym. Ashot Hachatrıan endi úıge arnalǵan sýtekti generatorlardyń naryqta keńeıýin kózdep otyr. Konferensııa barysynda jınal­ǵan qaýymǵa tanymdyq fılmder kór­se­tilip, sýtekti energııanyń múm­kin­dik­teri túsindirildi. Konfe­ren­sııa­ǵa qa­tysýshylardyń nazaryna usy­nyl­ǵan eń qarapaıym ádis – sýdyń ishine sý­tekti dárini salyp ishsek, onyń edáýir taza sý ekendigine kózimiz jetedi. Munyń barlyǵy sýteginiń qorshaǵan ortany lastamaıtyndyǵymen baılanysty.