«Astana EKSPO-2017» ulttyq kompanııasynyń tóraǵasy Ahmetjan Esimov Ulybrıtanııanyń Saýda jáne ınvestısııalar mınıstri Greg Hendspen jáne ulttyq seksııa komıssary Charlz Hendrımen kezdesti. Taraptar basqosýda eki eldiń qarym-qatynasy, balamaly energetıka máseleleri men brıtan pavılony jaıynda áńgime órbitti.
Ulybrıtanııa – balamaly energetıka salasyndaǵy kóshbasshylardyń qatarynda. Sondyqtan kórmede aǵylshyndardyń pavılonyna qyzyǵýshylyq joǵary. Búginde munda 1 jarym mıllıon kórermen kirip-shyqqan. «Halyqaralyq sharaǵa barlyǵy 1 mıllıon 300 myń adam keldi. Bastapqyda 2 mıllıon qonaq bas suǵady dep josparlaǵanbyz. Jurttyń kórmege degen qyzyǵýshylyǵyn eskere otyryp, bul kórsetkishke qol jetkizemiz degen oı bar. Qatysýshy elderdiń basym bóligi sharaǵa jaqsy daıyndalypty. Pavılondarda kóptegen balamaly ınnovasııalyq joba kórsetilgen», dedi basqosý barysynda Ahmetjan Esimov. Al Greg Hends Astanadaǵy EKSPO kórmesiniń joǵary deńgeıde ótip jatqanyn áńgimeledi.