Onyń sózinshe, ýaqyttyń bolmaýy sebepti jarysqa daıyndyq óte aýyr tıgen.
«Týr de Frans kezinde de mundaı bolǵan emes. Qazaqstanda «Temir jartysy» alǵash ret ótkizilip otyrǵandyqtan oǵan qatysý, Qazaqstanda trıatlonǵa qoldaý kórsetý qyzyqty boldy. Múmkindimshe tyrystym. Árıne, júzý eń qıyny boldy. Biz sırek júzemiz ǵoı. Sondyqtan jyldam júzýge tyrystym. Velosıped bul bizdiń dıstansııamyz bolǵandyqtan ońaıǵa soqty. Múmkindimshe júgirdim. Menińshe 4,23-te keldim. Jalpy bul jaqsy nátıje dep bilemin», - dedi Vınokýrov.
Dańqty sportshy bul jarys aǵymdaǵy jyly ekinshi ret ótkizilip otyrǵandyǵyn, birinshisi Dýbaıda ótkendigin eske saldy.
«Kelesi jyly Ironman ótedi. Trıatlon federasııasyn jáne Kárim Qajymqanulyn (QR UQK tóraǵasy) quttyqtaǵym keledi, olar jumys istep jatyr. Menińshe, kelesi jyly osy jerde úlken mereke bolady jáne qatysýshylardyń sany da arta túsedi. Bul jastardyń sportmen aınalysýyna yqpal etedi. Biz qoldaımyz, bul bizdiń hobbıimiz», - dedi ol.
Aıta keterligi, jarystarǵa 155 sportshy qatysty. Týrnır 1,8 shaqyrymǵa júzý, 90 shaqyrymǵa velosıpedpen jarysý jáne 21,5 shaqyrymǵa júgirý boıynsha ótti. Úshsaıysqa 19 komanda qatysty. Ár komandada 3 adamnan bar.