Bul habardy QR Syrtqy ister mınıstrligi baspasóz qyzmetiniń jetekshisi Ánýar Jaınaqov óziniń feısbýktegi paraqshasynda jarııa etti.
«Qazaqstandyq dıplomattar elimizdiń 6 azamatyn qaıtarý úshin Kaır áýejaıyna jetkizdi. 1 tamyz kúni keshkisin Mysyr Ulttyq qaýipsizdik komıtetiniń ókilderi Qazaqstannyń elshiligimen habarlasyp, osyǵan deıin ustalǵan qazaqstandyq azamattardyń barlyǵyn eline deportasııalaıtyndyqtary týraly aıtty»,- delingen habarlamada.
Osydan keıin Qazaqstannyń konsýly arnaıy rásimderdi uıymdastrý úshin áýejaıǵa kelip, elimizdiń azamattarymen júzdesken. Olardyń jaǵdaılary jaqsy jáne jaqyn arada elge jetkiziledi. Qazaqstandyqtardy ustaý sebepteri ázirge aıtylmaı otyr. Mysyr bıliginiń aqparatyna sensek, elimizdiń azamattaryn ustaý boıynsha barlyq málimetti arab eliniń quqyq qorǵaý organdary qosymsha habarlaıtyn bolady.