Konkýrsqa Qazaqstan-Chernogrııa kezdesýine 225 bılet úmitker retinde qatysty. Iаǵnı, osy matchqa bılet alǵan jankúıer birden utys oıynyna qatysý quqyǵyna ıe boldy. Jeńimpaz kez kelgen sandy tańdaıtyn Random saıty arqyly anyqtaldy. Nátıjesinde, Almaty qalasynyń turǵyny Anýar Ádilhan jeńiske jetti. Ol osy konkýrs úshin arnaıy tórt bılet satyp alǵan.
- Anýar «Manchester Iýnaıted» klýbynyń jankúıeri. Ol osy arqyly qazaqstandyq komandalarǵa ǵana emes, sondaı-aq, álemdik klýbtarǵa da qalaı jankúıerlik etý kerektigin kórsetti, - dedi Qazaqstan Fýtbol federasııasy Almaty bóliminiń dırektory Ábdihalyq Bazarqulov. – 1 qyrkúıek kúni ulttyq quramamyz Astanada Chernogorııaǵa qarsy oıynda bizdi taǵy da qýantady dep úmittenemin. Anýar sekildi jankúıerlerdiń arqasynda bul maqsatymyzǵa da jetemiz dep oılaımyn.
Saltanatty sharaǵa Qazaqstan Fýtbol federasııasynyń ókilderinen bólek Lufthansa áýe kompanııasynyń qyzmetkerleri, utys oıynyna demeýshilik etken Irına Rybalko men Olga Medvedeva qatysty.
- ÝEFA Sýperkýbogynyń oıynyn stadıonnan kórý múmkindigine ıe bolǵanyma qýanyp otyrmyn, - dedi jeńimpaz. – Shamamen 15 jyldan beri «Manchester Iýnaıtedke» jankúıerlik etip kelemin. 8 tamyz kúni súıikti komandamdy barynsha qoldaýǵa tyrysamyn. Bul tartysty match bolary anyq.
ÝEFA Sýperkýbogynda Eýropa lıgasynyń jeńimpazy aǵylshynnyń «Manchester Iýnaıted» komandasy men Chempıondar lıgasynda top jarǵan ıspanııalyq «Real Madrıd» kezdesetin bolady. ÝEFA Sýperkýbogy osymen 42-shi ret sarapqa salynbaq.