«О́zim týyp-ósken qalada maǵan osyndaı qurmet, iltıpat kórsetilip jatqanyna rızamyn. Sýretshilerge úlken alǵysymdy jetkizgim keledi. Bul maǵan ǵana kórsetilgen qurmet emes, «Torpedo» komandasyna kórsetilgen qurmet dep túsinemin. Endi qalalyqtar Táýelsizdik kóshesimen ótken saıyn bizdiń komandany jaqynyraq tanı túsedi dep oılaımyn», - degen hokkeıshi qabyrǵadaǵy sýrettiń ózine 99 paıyz uqsaıtynyn aıtyp, bir jymıdy.
Toǵyz qabatty úıdiń qabyrǵasyndaǵy sýretti salǵan – Almatydaǵy T.Júrgenov atyndaǵy О́ner akademııasynyń túlekteri. Olar grafıttı ádisimen bederlengen bul týyndyny salýǵa úsh apta ýaqyttaryn jumsaǵan jáne sýrettiń boıaýy 5-6 jylǵa deıin óshpeıtinin, sýyqqa da, ystyqqa da tózimdi ekenin aıtady. «Bizge sýret salý jónindegi usynys ınstagramm jelisi arqyly tústi. Sosyn qalalyq ákimdikke ózimizdiń eskızimizdi usyndyq. Tórt adam jumys istedik. Mynadaı toǵyz qabatty úıde sýret salý da ońaıǵa túsken joq. Sýretke qarasańyzdar, joǵaryda Talǵat Jaılaýov tursa, onyń tómengi jaǵynda Altaıdyń asqaq shyńy Muztaý kórinedi. Bul arqyly birinshiden, áıgili hokkeıshiniń qazaq hokkeıindegi bıik ornyn, ekinshiden, muz aıdynynyń beınesin de bederlegimiz keldi», - deıdi jobaǵa qatysqan sýretshilerdiń biri, atalǵan oqý ornynyń magıstranty Aıbek Nurbekov.
О́skemennen túlep ushqan Talǵat Jaılaýovtyń sýretin týǵan qalasyna salý ıdeıasynyń avtory qala ákimi Qýat Tumabaev mundaı týyndylardy Aqtóbe men Taldyqorǵan shaharlarynan kórgennen keıin ózine osyndaı oı kelgenin aıtady. «Áýelde túrli usynystar boldy. Tabıǵattyń sýretin nemese Shyǵystan shyqqan áıgili aqyn-jazýshylardyń beınesin saldyrsaq pa dep te oıladyq. Alaıda osy jobanyń demeýshileri Talǵat Jaılaýovtyń sýretin saldyraıyq degen usynys aıtty. Biz qoldadyq. О́ıtkeni, О́skemen – elimizdegi hokkeıdiń Otany. Sondyqtan mundaı shaharda qalamyzdyń, oblysymyzdyń ǵana emes, el maqtanyshy Jaılaýov sekildi úzdik hokkeıshiniń sýretiniń qasqaıyp turǵany oryndy dep uıǵardyq. Bir qyzyǵy, osy sýret salynǵannan keıin shahardaǵy jany jomart azamattardan «taǵy da basqa tulǵalardyń sýretterin saldyraıyq» degen usynystar túsip jatyr. Amandyq bolsa, birer aıdan soń О́skemendegi úılerdiń qabyrǵasynyń birinen osyndaı tamasha sýretti kórip qalýlaryńyz múmkin», - deıdi qala ákimi.
Osy jobaǵa qarjylaı qoldaý bildirgen, tehnıkalaryn usynǵan «IýKO» JShS-iniń quryltaıshysy Qaınar Dúısenovtiń aıtýynsha, áıgili hokkeıshiniń sýreti bekerden beker tańdalmaǵan. «Jerlesimiz Talǵat Jaılaýov myńdaǵan, mıllıondaǵan jankúıeri bar qazirgi zamandaǵy eń úzdik hokkeıshilerdiń biri. «Torpedonyń» chempıon atanýyna sińirgen eńbegi de zor. Sondyqtan qalalyq ákimdikke osyndaı usynys jasadyq. О́zim hokkeıshi bolmasam da, bul sport túrin erekshe jaqsy kóremin. «Torpedonyń» oıyndaryn úzbeı kórýge tyrysamyn. Talǵatty kásibı sportshy ári qarapaıymdylyǵy úshin erekshe qurmet tutamyn», - deıdi ol.
Azamat QASYM,
«Egemen Qazaqstan»
О́SKEMEN