Joldaýda adamı kapıtal sapasyn jaqsartýǵa, onyń ishinde bilim berý júıesine aıryqsha kóńil bólingen. Onda oqytý baǵdarlamalaryn jańǵyrtý, ıaǵnı bilim alýshynyń synı oılaý qabiletin damytý jáne óz betimen izdený daǵdylaryn qalyptastyra otyryp, bilimdi barlyq salada qoldaný, ultjandylyqty damytý jóninde mindetter naqty belgilengen. Eldiń áleýmettik-ekonomıkalyq, mádenı ósýiniń negizgi kórsetkishteriniń biri bolyp tabylatyn bilim – jahandyq básekege qabilettilikti qamtamasyz eteri anyq. Endeshe, adamı kapıtaldyń ózegi bolǵan bilim qashan da damýdyń kepili bolmaq.
Olaı bolsa, ulttyń uly maqsaty men muratyn oryndaýǵa úlken úles qosatyn joǵary bilimdi maman daıarlaý men tárbıeleý oqytýshylar qaýymyna úlken maqsattar men mindetter júkteıdi.
Joldaýda qoıylǵan strategııalyq mindetterdi júzege asyrý baǵytyndaǵy is-sharalar Qazaq bas sáýlet-qurylys akademııasynda jan-jaqty júzege asyrylyp kele jatyr. Akademııa zaman suranysyna saı sáýletshiler men dızaınerler, ınjenerler men jobalaýshy, qurylysshy mamandaryn daıarlaıdy. Oqytý úderisinde BIM – ınjener-qurylys salasynda paıdalanylatyn, sandyq túrde ǵımarattardyń bir nemese birneshe naqty vırtýaldy modelderin qurastyrýǵa múmkindik beretin jobalaýdyń eń zamanaýı jáne jetildirilgen tehnologııasyna erekshe kóńil bólinedi. Sonymen qatar, Autodesk Revit, Autodesk Infrastructure Design Suite Premium, AutoCAD Civil 3D, AutoCAD Map3D, 3D MAX baǵdarlamalary da keńinen qoldanylady. Ǵımarattardy aqparattyq modeldeý tujyrymdamasy esepteýish tehnıkanyń arhıtektýralyq jobalaýdaǵy rólin túbirimen ózgertedi. Búgingi tańda BIM tehnologııasy kómegimen dástúrli syzbalardyń ornyna nysandardyń 3D ólshemdi aqparattyq modeli naǵyz qurylys alańynyń shynaıy kórinisi bolmaq.
Akademııada stýdentter men magıstranttardyń bilimin shyńdaý maqsatynda jyl saıyn dástúrli «Energııa shyǵyndaryn azaıtý tehnologııalary men mıkroahýaldy jaqsartýdyń zamanaýı tujyrymdamalary» jáne «URSA-men energııa únemdeýdiń zamanaýı aspektileri» atty taqyryptarda konkýrs, «Jaratylystaný ǵylymdarynyń ózekti máseleleri men aqparattyq tehnologııalardyń zamanaýı tujyrymdamasy» atty halyqaralyq ǵylymı-ádistemelik konferensııalar, ǵylymı-tájirıbelik, mádenı is-sharalar ótkizilip turady.
Joǵarǵy oqý ornynda jumys berýshi oryndarmen bolashaq mamandardy daıyndaýdaǵy birden-bir strategııalyq áriptes retinde tyǵyz jumys jasaý qolǵa alynǵan. Máselen, qurylys jáne sáýlet kompanııa ókilderimen kezdesýler, dóńgelek ústelder jıi uıymdastyrylyp turady. Mundaı bas qosýlarda stýdentter men magıstranttar pikirler almasý arqyly alǵan bilimderin praktıkada qoldanýǵa, kásibı biliktiligin jetildirýge múmkindikter alady. Sonymen qatar, joǵarǵy kýrs stýdentteri óndiristik tájirıbeden iri qurylys kompanııalarynda, jobalaý ınstıtýttarynda jáne ǵylymı-zertteý ınstıtýttarynda ótedi.
Ýrbanızasııa úderisine qatysty Elbasynyń aldaǵy 15 jylda 1,5 mıllıon otbasyn turǵyn úımen qamtamasyz etýge baǵyttalǵan tapsyrmasy boıynsha «Nurly jer» turǵyn úı baǵdarlamasyn júzege asyrý Qazaq bas sáýlet-qurylys akademııasynda óz úılesimin taýyp, tikeleı úndesip jatyr. Bul oqý orny sáýlet, dızaın, qurylys, aǵash óńdeý jáne taǵy basqa qurylys salasyndaǵy mamandar daıarlaý arqyly otanymyzdyń damýyna zor úles qosýda. Endeshe, básekege qabiletti, joǵary bilimdi, kásibı bilikti maman qashan da zaman suranysyna ıe.
Araılym SÁBITOVA, Aıman RYSBAEVA,
Qazaq bas sáýlet-qurylys akademııasynyń oqytýshylary
ALMATY