Almaty qalalyq Memlekettik kirister departamentiniń qyzmetkeri alaıaqtyq áreketi úshin sottalyp jatyr, dep habarlaıdy QazAqparat.
Is materıaldaryna sáıkes, Bostandyq aýdany memlekettik kirister basqarmasynyń qyzmetkeri E.Nazarov basqarmanyń burynǵy qyzmetkeri B.Konýsovpen sybaılasa otyryp 10 mln teńge kóleminde alaıaqtyq jasady. Kúdikti qyzmettik laýazymyn asyra paıdalanǵan.
8 tamyzda QR QK-niń 128-babyna sáıkes eki kúdiktini departamenttiń ishki qaýipsizdik basqarmasynyń qyzmetkerleri ustady. Almaly aýdandyq soty E.Nazarov pen B.Konýsovty 2 aıǵa qamaýǵa aldy. Tergeý jumystary jalǵasýda.