Býhgalterlik eseptilik máselesi qaraldy

Býhgalterlik esep jáne aýdıtorlyq qyzmet máseleleri boıynsha konsýltatıvtik keńestiń kezekti otyrysy boldy. Qarjy mınıstri Bolat Jámishev kezekti oty­rys­ty óz áriptesterin kásibı meıramdarymen qut­tyqtaýdan bastady. Oǵan memleket organdarynyń jáne kásibı býhgalterler men aýdıtorlar qaýym­das­tyǵynyń ókilderi qatysty. Otyrystyń kún tártibinde halyqaralyq mańyzy bar máseleler (Dúnıejúzilik ekonomıkalyq forýmnyń Básekege qabilettilik jónindegi ǵalamdyq ındeksiniń qory­tyndylary jáne Dúnıejúzilik bankpen yntymaq­tastyq nátıjeleri) jáne Qazaqstannyń mańyzdy ishki zańnamalyq bastamashylyq máseleleri qaraldy. Otyrysta atap kórsetilgenindeı, Qazaq­stannyń «Aýdıtorlyq jáne eseptilik standarttar dárejesi»  kórsetkishteri bes pýnktke kóterilgen. 2010 jyly Qazaqstan 142 eldiń ishinen 93 orynda bolǵan edi. Bul kórsetkish Qarjy mınıstrliginiń strategııalyq josparynda kózdelgennen góri biraz jaqsarǵan. Sol sııaqty, 2010-2011 jyldardaǵy jumys qorytyndylary boıynsha Dúnıejúzilik banktiń esebinde bergen usynymdary men usynys­tarynyń abyroımen oryndalǵany atap ótildi. Otyrysta Qazaqstan Respýblıkasynda býhgalterlik esep júıesin odan ári jetildirý boıynsha is-sharalar aıqyndaldy. Mysaly, qarjy eseptilik depozıtarııin engizý máselesi. Bul másele qarjy eseptilik sapasyn kóteredi. Paıdalanýshylar endigi jerde www.dfo.kz. saıtyna kirý arqyly qajetti aqparattardy ala alady. Orta jáne shaǵyn bızneske júktemeni tómen­detý maqsatynda orta bıznes sýbektiler sanatyn aıqyndaý josparlanyp otyr. Olarǵa edáýir jeńil­dikter berilgen.  Qalǵan shaǵyn bıznes sýbektileri № 1 Halyqaralyq qarjylyq eseptilik standartyn qoldanatyn bolady. Ol ońaılatý jaǵyna qaıta qaralyp otyr. Bul jaǵdaı kásipkerlerdiń shyǵys­taryn eleýli túrde qysqartady. Orta bıznes kásiporny endigi kezekte HQES qoldanatyn bolady, bul HQES-tyń tolyq jıyntyǵynan áldeqaıda jeńilirek jáne onyń resmı daıyn oqý materıaldary bar. Osy másele jóninde Qarjy mınıstrligi Kásibı qaýymdastyqpen birlese otyryp, Astana men Almaty qalalarynda shaǵyn jáne orta kásipkerlik úshin HQES boıynsha 2012 jylǵa eki semınar ótkizýdi josparlap otyr. Konsýltatıvtik organ keńesiniń ná­tı­jeleri boıynsha talqylaýǵa qatysqan kásibı uıym­dardyń ókilderi Qarjy mınıs­trliginiń usynysyn qoldady jáne konsýltatıvtik keńestiń mańyzdy ju­mystaryn atap kórsetip, bul óz­gerister men retteýler paıdala­nýshylar úshin eseptiliktiń sa­pasyn arttyrýǵa múmkindik beretindigin jetkizdi. QR Qarjy mınıstrliginiń baspasóz qyzmeti.