Qazaqstandyq mánerlep syrǵanaýshy Mıhaıl Shaıdorov Italııada ótken qysqy Olımpıada oıyndarynda erler arasyndaǵy jekeleı synda altyn medal jeńip aldy. Bul jeńisi úshin sportshy qansha syıaqy alatyny aıtyldy, dep jazady Egemen.kz.
Eske salsaq, mánerlep syrǵanaýdan qysqa baǵdarlamadan keıin qazaqstandyq sportshy 92,94 upaımen besinshi orynda turǵan edi. Alaıda erkin baǵdarlamada 198,64 upaı jınap, jalpy 291,58 upaımen birinshi orynǵa kóterildi. Baǵdarlama barysynda ol bes tórttik sekirý oryndady.
Qoldanystaǵy zańnamaǵa sáıkes, qysqy Olımpıada oıyndarynda jeńiske jetken chempıonǵa 250 myń AQSh dollary kóleminde syıaqy beriledi. Bul shamamen 123,9 mıllıon teńgeni quraıdy. Kúmis júldegerler 150 myń dollar (74,3 mıllıon teńge), al qola júldegerler 75 myń dollar (37,1 mıllıon teńge) alady.
Sonymen qatar halyq ártisi Dımash Qudaıbergen Mıhaıl Shaıdorovty Olımpıada jeńip alǵan altyn júldemen quttyqtady, syıǵa kólik beretinin aıtqan edi.
Mıhaıl Shaıdorov – Olımpıada chempıony!